محاولة وعى عن …مشكلة عدم الاهتمام بالعملاء

من اكبر الاخطاء اللى بتحصل فى الوطن العربى بشكل عام ومصر بالتحديد هو عدم الاهتمام بالعميل وخاصة العميل اللى بيحصل معاه مشكلة!!! والجميل فى الموضوع ان الشركات والاماكن اللى بتعمل الغلطات دى دخلت ال
Social Media
وهنا مينفعش تغلط وتستخبى لان فى حد بيشوف وفى حد بينقل غلطاتك “ولو حتى ان النقل دا بيتم على مستوى صغير” 

الفكرة Social Media
دى معلبنا ..حاجة بتعتمد على العميل اعتماد كلى ..مفيش شركة هاتقدر توقف كلام العملاء .بس فى شركات تقدر تتعامل باحترافية وتخلى العميل حتى ولو فيه مشكلة “مبسوط” وفى شركات متعرفش يعنى ايه كلمة “احترافيه”..دا مثال على كده

صفحة متخصصة فى الازياء كانت حصلت مشكلة مع احد اصدقائى فيها – وبما انى بقيت متعود اسجل كل حاجة او موقف سواء صح او غلط الشركات بتعمله على مواقع التواصل الاجتماعى – اخدت برنت سكرين من الشاشة لما صحبتى كتبت التعليق وانا دخلت ملقتش رد “مع ان التعليق كان مكتوب من اكتر من اسبوع” ..النهاردة فوجئت بصاحبتى بتقولى شوف عدم الاهتمام بالعميل ..وبعتتلى لينك كاتبلهم فى صفحتهم انتوا ليه مردتوش على التعليق بتاعى ..المستفز فى الموضوع انهم سألوها بكل براءة “تعليق ايه” دا طبعا بعد ما خفوا جزء المراجعة
Reviews
من على الصفحة ..فانا دخلت حطيتلهم البرنت سكرين وقلتلهم التعليق دا ..مستنى اشوف تعليقهم ايه؟؟؟

خدوا بالكوا ان كان فى واحدة ردت على التعليق بتاع صاحبتى لما كتبت التعليق بتاعها..يعنى هما سمعتهم باظت عند اكتر من شخص 

انا مقصدش البراند دا بالتحديد ..دا مثال على حاجات كتير بتحصل لسه هاجبلها برنت سكرين
اول علاج المشكلة اننا نعترف اننا مبنعرفش ناخد حقنا… بس الشركات جت فى ملعبنا وهناخد حقنا 

هاكتب موضوع تانى النهاردة اوريكوا ازاى الشركات المحترمة ممكن تتعامل “باحترافية” فى الازمات ” مش مع مشكلة صغيرة” حصلت مع عميل ورد فعل العميل بيكون ازاى!!!

إحنا هنحاربكم بعقولنا وانتوا هتحاربونا بفلوسكم، واللي نفسه أطول هينتصر 🙂

Social Media Trainer/Social Business Strategist Helping you build your online identity through Social Media

يجب أن تسجل دخولك لكتابة تعليق.