أهم الـSocial Media Tools للشركات الصغيرة

لو عملت بحث في جوجل عن كلمة Social Media Tool هتلاقي عشرات أو مئات الأدوات اللى ممكن تستخدمها في الـSocial Media هتلاقي منها المجاني ومنها المدفوع، وكمان هتلاقي فروقات كتير بين الـTools وبعضها وTools بتأدي نفس الوظائف اللى بتأديها Tools تانية.

هل عندك الوقت الكافي علشان تجرب كل الـTools دي وتقارن بينهم وتعرف مين الأفضل وإيه الأنسب لشغلك؟

علشان نوفر عليك الوقت والمجهود في المقالة دي جمعنالك أهم الـTools اللى هتساعدك في شغلك، جمعنا الـTools اللى هتساعدك في تحليل صفحتك، كمان هتلاقي Tools علشان تقدر تدير المحتوى الخاص بيك، وتقدر تجمع المحتوى بسهولة، وTools علشان تقدر تعمل Monitor لإسم شركتك بحيث إنك تكون عارف العملاء بيقولوا إيه عنك وتقدر تراقب الـIndustry والـCompetitor علشان تكون دارس السوق كويس، وتاخود القرارات السليمة اللى هتحققلك الـBusiness Goals

أول حاجة هنتكلم عن الـTools الخاصة بالمحتوى.

المحتوى من أهم العوامل اللى بتساعدك على تحقيق أهدافك لأنك من خلال المحتوى بتقدر توصل رسالتك لعملائك.

في أكتر من Tool بتساعدك في تجميع المحتوى وإدارته ومن الـTools دي : Feedly، Pocket، buzzSumo، Canva

هنبدأ بأول Tool وهي Feedly.

الموقع بيوفرلك خدمة الـRSS أو الخلاصات الإخبارية واللى عن طريقها بتقدر تجمع كل المصادر اللى بتجيب منها المحتوى في مكان واحد، يعني بدل ما تبحث في 10 مواقع، من خلال الخدمة هتقدر تضيف الـ10 مواقع في مكان واحد وتقدر كمان تقسمهم لـCategories يعني لو انت مسؤل عن صفحة بتتكلم عن الأكل وصفحة عن الملابس وصفحة عن العقارات، هتقدر من خلال Feedly تضيف أكتر من Category وكل مجموعة مواقع هتنزلها في الـCategory الخاص بيها.

تقدروا تستخدموا الخدمة من هنا : Feedly 

Pocket

في حالة إن في Post عجبك وعاوز تستخدم منه حاجة في المحتوى الخاص بيك، أو Tweet أو أي حاجة على مواقع التواصل الإجتماعي قابلتك وعاوز تحفظها علشان تستخدمها بعد كده تقدر تعمل ده عن طريق Pocket بيعملك Save لأي حاجة عاوز تحفظها من الـSocial Media Platforms وبيكون ليه Extension موجود في المتصفح، كل اللى عليك إنك تضغط على الأيقونه الخاصة بالـExtension تلقائي هتتحفظ الصفحة.

البرنامج موجود هنا : Pocket

BuzzSumo

لو عاوز تعمل Search عن محتوى في أي Industry من خلال Buzzsumo هتقدر توصل للمحتوى اللى عليه أكبر تفاعل على الـSocial Media Platforms لأنه بيرتب النتائج ترتيب تنازلي بحيث الموضوع اللى عليه تفاعل أكتر بيظهر في الأول وبعدين يجي بعديه المواضيع الأقل.

استخدموا الموقع من هنا : BuzzSumo 

Infogr

لأن الصور بتوصل معاني كتير وتقدر من خلالها توصل أكتر من رسالة، فا إنت محتاج تستخدم Infogr لأني هيساعدك في إنك تعمل Infographics من خلال Templates جاهزة، كل اللى عليك إنك هتعدل عليها، ومش محتاج تكون Designer علشان تقدر تتعامل معاه، الـTools سهلة جدا وأي حد يقدر يستخدمها.

هنا هتلاقوا الـTool علشان تبدأ في تصميم الـDesigns الخاصة بيك : Infogr 

بعد كده هنتكلم عن الـTools الخاصة بالـMonitoring

مهم تكون عارف إنطباع العملاء عن شركتك، وتكون على درايه بكلامهم عن الشركة، لأن ده هيكون مؤشر ليك هتعرف منه إذا كنت ماشي صح أو محتاج تطور من نفسك، كمان لو في مشكلة هتقدر تعرفها بسرعة وتلاقي ليها حل قبل ما الموضوع يكبر.

كمان هتحتاج تراقب المنافسين وتعرف عملائهم بيقولوا إيه عنهم، وإيه اللى بيعملوه زياده عنك، وإيه المشاكل اللى بتواجه عملائهم علشان تقدملهم إنت الحلول المناسبة.

أما بخصوص الـIndustry أو المجال اللى انت شغال فيه لازم تكون عارف إيه آخر التحديثات اللى حصلت في المجال وآخر الأخبار وتكون دائما Updated بكل جديد.

ومن الـTools اللى هتساعدك في عملية الـMonitoring : 
Mention – Social Mention – Keyhole

Mention 

بتكتب داخل الـTool الكلمة اللى عاوز تعملها Tracking، هتكتب إسم شركتك مثلا وأي Conversation هتم وهيكون فيها إسم شركتك هتظهر ليك في الـTool، كمان هتكتب إسم المنافسين أو لو عاوز تعمل Monitor لأي Keyword ليها علاقة بالمجال اللى بتشتغل فيه هتقدر تعمل ده من خلال الـTool.

الموقع الخاص بالـTool هنا : Mention 

Social Mention 

من أفضل الـTools اللى ممكن تستخدمها في الـTracking لأنها مش بس هتعمل Tracking لكلمة معينة، دي كمان بتعملك تحليل للكلمة دي، عن طريق بعض الكلمات اللى المستخدمين بيكتوبها بتقدر الTool تحلل هل الكلام ده إيجابي ولا سلبي وبتوفرلك إحصائية للتحليل ده وإسمه Sentiment Analysis ، كمان بتجيبلك الـTop Keyword اللى المستخدمين بيكتوبها عن الكلملة اللى انت بتبحث عنها.

جربوها من هنا : Social Mention

Keyhole 

بتعملك Tracking للـHashtag على Twitter وInstagram كمان لو عاوز تعمل Tracking لكلمة، هتقدر من خلال الـTool تعرف عدد الـPosts اللى اتكتب فيها الكلمة وكمان الكلمة وصلت لكام شخص.

تقدروا تستخدموها من : Keyhole 

الـTools الخاصة بالـFacebook 

في بعض الـTools بتشتغل مع كل الـPlatforms وفي Tools تانية بتكون متخصصة في Platform واحدة زي

LikeAlyzer، Fanpage Karma.

Fanpage Karma 

دي Tool  متخصصة في الـAnalytic بتعملك تحليل لصفحتك أو صفحة الـCompetitor وبتقدر تعرف منها التفاعل على الـPosts وأكتر وقت بيحصل فيه تفاعل وإيه أكتر Posts بيحصل عليها تفاعل، كمان هتعرف منها الـFans اللى بيتفاعلوا معاك، وهتعرف إيه أنواع الـPosts اللى بتجيبلك تفاعل أكتر.

جربوها من هنا :  Fanpage Karma

LikeAlyzer

بتقدر تحلل صفحتك أو صفحات المنافسين من خلال الـTool كمان بتقدملك نصائح علشان تقدر تحسن من أدائك، وبيكون في ترتيب لصفحتك بين الصفحات اللى في نفس المجال.

جربوا الـTools من هنا : LikeAlyzer

Tools خاصة بـTwitter

هنتكلم عن 3 أدوات هتقدر من خلالها تعمل Monitor لأي Hashtag أو Keyword وهتقدر تعمل Analytics وتعرف مين الـfollowers عندك ومين الأكثر تفاعل، وتأثير كل Follower على الـSocial Media.

الـTools هي : Twazzup – Topsy – Socialrank

Twazzup

الـTools بتعملك Monitor لـKeyword أو Hashtag وبتوفرلك النتائج على الكلمة اللى بتعمل Search عليها وكمان هيجبلك

الـTop influncer أو المؤثرين في المجال وكمان الـTop Keyword.

 

استخدموها من هنا : Twazzup

Topsy

يعتبر من أشهر الـTools اللى بتستخدم مع موقع Twitter وهي عبارة محرك بحث بتقدر من خلاله تبحث داخل Twitter عن Photos، Tweets ، Videos، Links أو Influncers.

الـTool موجوده هنا : Topsy 

socialrank

لو عاوز تعرف أفضل الـFollowers عندك من حيث التفاعل وتأثيرهم على الـSocial Media واحدة من أحسن الـTools اللى ممكن تستخدمها هي SocialRank وتقدر كمان تتواصل مع الـFollowers من خلال الـTool

ابدأوا استخدموها من هنا : SocialRank

الـTools الخاصة بالـManagement. 

إدارة الصفحات والحسابات بتحتاج لـTools علشان تقدر تديرها بشكل Professional وتقدر تتابع كل الصفحات والحسابات من مكان واحد، ومن أفضل الTools في الـManagement :

Sendibleو Hootsuite

Sendible

هتقدر من خلال الـTool تعمل Manage للصفحات الخاصة بيك على الـSocial Media، الـTool بتدعم أكتر من Platform، كمان هتتفاعل مع الـFans، ومن خلال التحليلات للمحتوى هتعرف مدى تأثير المحتوى على الـFans، كمان من خلال الـTool هتقدر تعرف أي Conversation موجود فيها إسم شركتك.

أي Page هتحتاج تعملها Manage من الـTool، لازم تكون Admin في الـPage .

الموقع الخاص بالـTool، ابدأوا جربوها : Sendible

Hootsuite 

من الـTools البسيطة جدا وسهلة في الإستخدام وبتوفرلك مميزات كتير جدا، من خلالها بتقدر تعمل Schedule للـPosts الخاصة بيك، كمان بتقدر تتفاعل مع الـFans وممكن تعمل Monitor لأي Keyword.

الـTool موجوده هنا : Hootsuite 

 

لو بحثنا عن الـTools الخاصة بالـSocial Media هنلاقي نتائج كتيرة جدا وكل Tool ليها مميزاتها وليها عيبوها، والـTools اللى جمعناها في المقالة من أفضل الـTools اللى تم تجربتها بالفعل وحققت نتائج كويسة، واللى حابب يدور على Tools أكتر، ممكن يعمل Search عن كلمة Social Media Tool، هيلاقي نتائج كتيرة جدا جرب أكتر من Tool وشوف المناسب ليك.

 

 

Comments

Social Media Trainer/Social Business Strategist Helping you build your online identity through Social Media

التعليقات مغلقة.