أجري ورا الفلوس؟ ولا ورا الشغف؟ ولا ورا التأثير في العالم؟ ولا التعليم؟

س: أجري ورا الفلوس؟ ولا ورا الشغف؟ ولا ورا التأثير في العالم؟ ولا التعليم؟ .. ج: ولا واحد من دول .. ديه خلاصة قناعتي. *وأأكد إنه كلام من أخ كبير وغير ملزم بالمرة.* أومال أجري ورا ايه؟ .. إجري ورا المتعة. ابعد عن الأماكن المملة، الملل فيه سم قاتل، اشتغل الحاجة اللي تكون مستمتع وانت بتعملها. لو بتاخد مرتب من 5-6-7 أرقام فكدة كدة هاتطلع مصاريف قد اللي بتاخده وهايبقى عائق إنك تنقل على حاجة تانية، وهاتبلع السم من سكات. لو بتعمل حاجة إنت شغوف بيها بس المكان اللي فيه ممل فصدقني هاتطفي بعد فترة .. وهاتحس إنك جريت كل ده ع الفاضي. لو ورا التأثير في العالم، فبذمتك متخيل مكان مش عارف يأثر على نفسه ويغير من نفسه؛ هايأثر ويغير العالم؟ .. ولو على التعليم، فانت اللي بتعلم نفسك، والمكتئبين الزهقانين مش بيبقى عندهم لا جهد ولا وقت إنهم يتعلموا، بل بالعكس، الأماكن المملة بتقلل من كفاءة ومعرفة الناس اللي فيها.

المتعة هاتخليك تتعلم .. تبقى شغوف .. فتشتغل أحسن .. وتنتج أكتر .. وتخلق culture أحسن في المكان .. وتبني عندك وعند اللي حواليك leadership .. ويلا بينا نعمل حاجة جامدة النهاردة .. فالبيزنس يكبر .. وانت تكبر ويجيلك رزق أكتر .. بدل ما تتخانق مع دبان وشك .. وتبعت وتستلم خوازيق .. ويبقى في politics .. والبيئة المعفنة اللي بتعاني منها 90% من شركات مصر ديه .. ونكد نكد نكد .. وسلبية وقرف .. وهاتلف حوالين نفسك وفي الاخر مش هاتبقى راضي لا عن نفسك ولا عن أي حاجة في الدنيا .. وهاتلاقي نفسك بتلف في دواير مش هاتخلص. المتعة يا جماعة .. stop being boring

https://www.facebook.com/muhmorsi/posts/1709178585802528