تعريف النجاح على مواقع التواصل الاجتماعى..بين الهواية والعلم

فى ناس كتيير بتتكلم عن التسويق من خلال مواقع التواصل الاجتماعى ..كتيييييييييييييييييير قوى
وبعض الناس “العملاء” لما بتيجى تكلمه يقولك “مثلا” هاتجبلى كام لايك وفى اد ايه…دول سيبك منهم
وفى ناس تانية لما تيجى تكلمك تقولك انا ميهمنيش الصفحة عليها كام لايك المهم التفاعل اد ايه..وبيديك امثلة على صفحات اساحبى وصفحات الهلس والقلش اللى موجودة دلوقتى..دول برضه سيبك منهم
ونوع ثالث اللى بيكلمك عن التفاعل برضه بس بيديك امثلة على شركات زى فودافون مثلا…دول بقى .. تسيبك منهم  هما كمان:)

خلينى فى الاول اوضح يعنى ايه سيبك منهم؟
انا مقصدش انك متشتغلش معاه – هو الصح انك متشتغلش معاه ..لكن نظرا لظروفنا الاقتصادية “اشتغل معاه” – لكن خليك دايما بتطور من نفسك ومتحطش امل كبير عليه ..حاول بس تعمل فيه ثواب وتوضحله الموضوع بطريقة صح ..لكن لو مستجبش -عادى- انت اصلا مش حاطط عليه امل…اومال تشتغل مع مين ..مين الشخص اللى لو جتلك فرصه معاه تمسك فيه باديك واسنانك..الشخص اللى فاهم يعنى ايه
CONVERSION

ال 3 امثلة اللى اتكلمنا عليهم مينفعوش ليه

Success on Social Media.001
الاول: دا شخص مش فاهم اصلا يعنى ايه تسويق ..فدا ابعد عنه على قد ما تقدر ..او اعمل خير ووعيه…بس وانت بتوعيه متكلموش انك انت اللى هاتشتغله ..لان هدفك هنا انه يفهم ..ولو ربط فهمه انه يفهم بانك هاتمسك شغله هايعتبرك بتبيعله نفسك ..وممكن ياخد الموضوع عند و ميحاولش يفهم تانى.

الشخص التانى: ودا الشخص اللى عايز حد ساحر ..شخص يعمل تفاعل كبيييييييير قوى على صفحته زى صفحات القلش ….وفى نفس الوقت يتكلم عن منتجاته كتييييييييير قوى “ودا عكس اللى بتعمله صفحات القلش” اللى مبتتكلمش عن نفسها وبتتكلم عن مواقف الناس بتعشها او بتفكرهم بحاجات هما مروا بيها” ..يعنى انتشارهم قائم على الاهتمام بالناس “ودا الجزء الصح اللى بيعلموه وهو دا سبب نجاحهم” ..لكن هو مش مدرك كده …ممكن توضحله برضه بنفس الطريقة اللى شرحناها فى المثال الاول

بالنسبة للشخص الثالث: سيبك منه لان المقارنة غلط ..مينفعش تقارن تفاحة ببرتقالة ..شوف فودافون كمثال اسمها ازاى فى السوق ..حجم السوق اللى بتمتلكه اد ايه ..كمية العروض اللى ممكن تعلمها اد ايه ..واخيرا ودى اهم حاجة ..بتصرف اد ايه على حملاتها الاعلانية.

اللى الناس بتتكلم فيه الجزء اللى فات برضه فى جزء من العلم فيه..اسمه بالانجليزى
Social Proof
يعنى انت لما يبقى عندك عدد كبير متابع ليك ..دا هايجب ناس انها تتابعك ..بمعنى تانى لو فى حد دخل على صفحتين الاولى فيها 100 الف متابع والتانية فيها 400 شخص متابع ..فى الاغلب ممكن يتابع الاولى وميتابعش التانية 

لكن بعد ما بقى عندك العدد الرهيب دا ..فى الاخر استفدت ايه..
هل مبيعاتك زادت ..
هل الناس ابتدت تكلم عنك كويس “بعيدا عن صفحتك” ولا بتكلم عنك بشكل سىء ..
دا فى حالة انك فاهم وبتسمع لعملائك بيقول ايه بعيدا عن صفحتك..لو لقيته مش فاهم سيبك منه.

اللى انا اقصده بال CONVERSION..
هو نسبة الناس اللى بتتحول لعملاء “فعلا” بعد ما بيعجبوا بصفحتك او يعلقوا عندك …
نسبة العملاء اللى بيشتروا منتجك

نسبة العملاء اللى بيتحولوا “سفراء” ليك وهما اللى بيسوقولك 

الشخص اللى فاهم الموضوع بالشكل دا ..هو ده اللى تشتغل معاهم ..هو ده اللى تدور عليه ولو جاتلك فرصة معاه هاتفرق معاك قوى
الناس التانية دى مش هاتكمل وهاتقع ..مهما نجمها لمع دلوقتى “بالامثلة” فى الاخر بتقع

سؤال تانى..هل لو انت اختفيت بكره ..الناس دا هاتفتقدك ؟

لو جبت اى حد من ادمن صفحات القلش دى .وقلتله انا هاديك كل الامكانيات اللى انت عايزها..
بس تحققلى النتيجة اللى انا عايزها ..
ان نسبة مبيعاتى تزيد ..ونسبة الناس اللى بتتكلم عنى من ورايا كلامها يبقى ايجابى …و “الاهم” تثبتلى دا …
هايقدر يعمل كده؟
هل الناس دى تقدر تجيبلك عملاء يحققوا باقى اهدافك زى
Customer Review/Rating
Customer Testimonial
الحاجات دى برضه مهمة جدا وتعتبرجزء من ال
Social Proof 

الحاجات دى – حتى الشركات الكبيرة قوى – بتقع فيها ..
زى ما حصل مع مايكروسوفت لما راحت للمذيعة المشهورة اوبرا وينفرى علشان تتكلم عن التابلت الجديد لمايكروسوفت
وفعلا اوبرا بعتت تويتة من حسابها بكده
بس مبعتتهاش من تابلت مايكروسوفت ..بعتتها من
iPad

ال Brand Awareness
حاجة مهمة جدا..بس لو البيزنس فى الاخر محققش مكاسب – حتى ولو بعد فترة .يبقى ملهاش اى لازمة.

الموضوع ده ردا على الناس اللى سألتنى ايه رأى فى ..جروبات علي الفيس بوك بتتكلم عن
بيع وشراء الصفحات والمدونات والمواقع

الجروبات دا قوىة جدا ..اى حد يكلمك فى الحورات اللى فوق اديله اللينك بتاع الجروب دا على طول ..

قوله بيبيعوا الالف لايك المتفاعل تقريبا بجنيه ونص ..وعلى السكين يا بطيخ

Social Media Proof that T.V modle that you make average product for average people with fair price, but promote it a lot has been BROKEN.

Social Media Trainer/Social Business Strategist Helping you build your online identity through Social Media

التعليقات مغلقة.