اهم النصائح التي يجب ان تراعيها عند مراسلة اي شخص علي Linkedin

في ناس كتير لما بتتواصل مع اي شخص علي لينكدان مش بتهتم بالرسالة اللي بتبعتها .. في الموضوع ده هانوضح اهمية الرسالة وطريقة كتابتها ومدي تأثيرها علي الشخص اللي بتبعتها

١- لا ترسل ابدا Mass Message: الرسالة العامة/المجمعة اللي بتكتبها مرة واحدة وبتبعتها لاكتر من شخص مش مفيدة ليك علي الاطلاق .. لازم تعمل Personalize Mesage لكل شخص .. او علي الاقل حاول تخلي مضمون الرسالة عام بس تكتب اسم الشخص في اول الرسالة

٢- اختار عنوان لرسالتك: لما بتبعت رسالة عنوانها Please Advice او Would you help me او Asking for a Job في الاغلب الشخص مش بيفتح الرسالة اصلا .. لانها بتبقي شبه الـ Spam Message … حاول دايما تكتب عنوان يوضح المضمون المحدد من الرسالة وخلي طلب في اخر الرسالة … اكتب مثلا في العنوان سؤال بخصوص التفاعل علي الفيس بوك او الاحصائيات علي موقع تويتر افضل من كتابتك لعنوان سؤال بخصوص الـ Social Media

٣- اقرا الـ Profile الخاص بالشخص اللي هاتبعتله الرسالة قبل الارسال : لو انت مثلا بتبعت لشخص تسآله “كمثال” عن التصميم علي برنامج 3D Max وهو موضوح علي صفحته انه مش متخصص فيه .. تأكد انه مش هايرد علي رسالتك ولا حتي اي رسالة ليك تاني

٤- الرسائل اللي بتبعتها للاشخاص اهم من اي حاجة بتعملها علي لينكدان: حاليا لينكدان بيحفظ تاريخ الرسائل اللي بتم بينك وبين اي شخص .. فلما الشخص هايفتح الرسالة اللي انت هاتبعتهاله هايشوف علي اليمين “في حالة انه عامل لينكدان بالانجليزي” كل الرسائل اللي انت بتعهاله او هو بعتهالك .. او لو هو بيدور علي تخصصك وفتح صفحتك هايظهرله كل الرسائل اللي اتواصلتوا فيها مع بعض .. ودا هايكون من العوامل الرئيسية في انه يبعتلك وظيفة او يتواصل معاك او لا.

٥- لغة كتابة الرسائل مهمة جدا: اغلب الاشخاص يفضل انك تراسلهم باللغة الانجليزية .. لكن قبل ما ترسل الرسالة لازم تتأكد ان الرسالة مكتوبة صح او علي الاقل راعل الا يوجد بها الاخطاء الاملائية او الاخطاء الخاصة بقواعد الـ Grammar بشكل واضح… ممكن تستخدم مواقع تصحيح القواعد والاخطاء الاملائية لمراجعة رسالتك .. ومنها الموقع ده او الموقع ده .. او ابحث عن اي موقع تاني .. نصيحة بجد .. لو الانجليزي بالنسبالك صعب جدا يفضل تبعت الرسالة بالعربي عن انك تبعتها بانجليزي فيه اخطاء كثيرة جدا

٦- ممكن تبعت رسالة ترحيب للاشخاص بمجرد ما يقبلوا اضافتك:
بتجربة ناس كثيرة جدا .. الموضوع ده مفيد .. فكرة انك تشكر الشخص علي قبول الاضافة او نك بتتطلع انه يبقي فيه تعاون او تبادل خبرات بينكم بيجيب نتائج ممتازة علي المدي البعيد

linkedin

٧- حاول دايما تخلي اول رسائلك مع اي شخص بتتواصل معاه عبارة عن معلومات مفيدة
او اسئلة توضح انك شخص فاهم:
لما تتواصل مع اي شخص – بعد رسالة شكره انه قبل الاضافة – حاول تخلي تواصلك معاه مفيد ..
ابعتله اهم الكتب/الاحصائيات اللي انت بتقراها في مجالك بحيث توضح انك شخص فعلا مجتهد او  وقوله انا دخلت علي Linkedin Pulse وقريت مقالات بتتكلم عن معلومة بطريقة ١ و ٢ و ٣
ولما دخلت علي SlideShare  لقيت المعلومات بطريقة ٢ و ١ و ٣ حضرتك ترشحلي اي طريقة منهم
في ترتيب/تجميع المعلومات او هل عند حضرتك رأي تاني،
الطريقة ممكن تستخدمها مع الاشخاص حتي ولو انت عارف الاجابة .. دا هايبقي مدخل كويس جدا لعلاقتك معاه.

٨- لو هتسأل اي شخص عن اي حاجة وضحله انك تعبت الاول في الموضوع:مينفعش تقول لاي شخص
– ممكن تشوف البروفيل بتاعي وتقولي رأيك او تقولي ازاي ممكن احسنه؟
– انا بحب مجال التسويق .. اعمل ايه؟
– انا مش عارف مجالي/تخصصي حتي الان .. ممكن تساعدني؟
– انا لو عايز اتخصص في مجال الـ Advertising اعمل ايه؟
– هو موضوع اني اشتغل Freelancer دا بيجيب فلوس كويس؟ طيب ابتديه ازاي؟
اغلب الناس هايبقي ردها الوحيد علي نوعية الرسائل دي هو التجاهل ..
لكن لو قلتله انك ذاكرة كتاب معين عن الموضوع او قرأت مجموعة مقالات عن التخصص اللي بتحبه
او حضرت ورشة في مجالين مختلفين اتعلمت فيهم X و Y و Z ومحتار تكمل في اي واحد .. الموضوع هايختلف.

٩- لو عندك صفحة علي الفيس بوك او عندك حساب علي Behance متبعتش رسالة ” check that out” ابدا:
متبعتش اي رسالة لشخص تدعوه ان يعمل Like لصفحتك او انه يشوف تصميمك الجديد علي Behance من غير ما تبقي عارف ان الشخص ده مهتم باللب انت بتقدمه .. دا غير انك لازم توضح في الرسالة ايه الجديد اللي انت عملته اللي يخليه يفتح صفحتك/حسابك علي اي منهم.

١٠- لو بعت رسالة لشخص علي لينكدان بعنوان ” no subject” ممكن يعملك بلوك:
الموضوع ده مفهوش هزار

١١- احترس من التطبيقات الخارجية اللي بتطلب صلاحيات علي لينكدان:
في بعض التطبيقات بمجرد تسجيلك بحساب لينكدان عليها بتبعت رسائل لكل الـ Connections عندك .. وبتعمل ده اكتر من مرة .. والموضوع ده الناس بتضايق منه جدا و ممكن يعملولك بلوك بسببه.

١٢- لو محدد/مستهدف بالظبط الاشخاص/الشركات اللي نفسك تشتغل فيها .. تفاعل دايما في الجروبات اللي مديرين الشركة دي موجودين فيها .. دا هايدي انطباع عنك كويس في حالة انه بحث عنك.

لو انت مهتم بتطوير صفحتك علي لينكدان ممكن تتفرج علي مجموعة الفيديوهات دي .. هتساعدك في حاجات كتير

 

Social Media Trainer/Social Business Strategist Helping you build your online identity through Social Media

التعليقات مغلقة.