نصائح للشركات الناشئة وراود الاعمال – ما بين العلم والقيمة المضافة

قريت مناقشة فى احد الجروبات اللى انا مشترك فيها
كانت نصيحة انك متشتغلش على الاعلانات فى الاول واشتغل على انك تبيع منتجك الاول لان البيع هو اللى هايجيب مبيعات تانى
ولما تبدأ تشتغل وتبيع وتتعرف للناس ابتدى جهز حملة تسويقية واشتغل عليها واعمل ساعتها موقع وصفحة على الفيسبوك وحساب على تويتر
دى وجهة نظر هاتسمعها كتير قوى لو هاتفكر تفتح شركتك او مشروعك الجديد …وفيها نسبة كتير صح لان فى ناس عملت العكس بتاعها وفشلت
بس انا درست ان السبب الرئيسى فى فشل المشروعات اللى عملت كده انها مقدمتش محتوى جيد ..الشركات اللى فشلت فى كده لو كانت قدمت محتوى جيد من البداية وفى نفس الوقت حطت توقعات لنفسها انها هاتقعد فترة علشان الناس تعرفها وتثق فيها كانت هاتنجح بنسبة كبيرة قوى ..وهاقولك ليه؟

احد الاستراتيجيات اللى شوفتها
“انا كنت بشتغل فى شركة تطبيقات موبايل ..وكنت مشترك على جروبات على لينكدان وكنت بتابع مواقع كتير خاصة ببرامج الموبايل والموبيلات بشكل عام
– من ضمنهم موقع
GSM Arena من اشهر المواقع فى الصناعة دى
– ساعات كتير كنت بلاقى اعلان عن ان فى موبايل جديد هاينزل بامكانيات معينة وكنت بشوف الناس بتعلق على الحاجات دى وفى الاغلب كانت بتبقى تعليقات سلبية ..وبعدها مسمعش حاجة عن الموبايل ده ..وساعات كنت بلاقى اعلان عن موبايل بمواصفات معينة ويجى عليها فيدباك كويس وبلاقى بعدها الموبايل نزل بامكانيات من اللى كان نازل الاعلان الاول بيها وامكانيات اتبدلت من الاعلان الاول وضافوا مكانها امكانيات من اللى العميل كان كاتبها فى التعليقات بتاعته لما نزل الاعلان الاول للمنتج اللى مكنش نزل.
الموضوع ده انا فهمته واتشرحلى بعدها بفترة وقالوا ان الناس اللى بتستخدم الموضوع ده بتنجح لانها بتنتج حاجة – منتج او بتقدم خدمة – “العميل طلبها تفصيل فاكيد بيشتريها” العميل بيحب الحاجات اللى بتخدمه فعلا ويا سلام لو من شخص يعرفه  ..وحاليا احسن حاجة تساعدك فى كده انك تستخدم مواقع التواصل الاجتماعى ..اعمل صفحة على الفيسبوك بس لازم تكون بتضيف قيمة علشان العميل يبقى عنده ثقة فيك ويتكلم معاك وممكن ساعتها تعرض عليه فكرة منتجك وتخليه يعدلك عليها وتعمل حاجة مناسبة تماما لاحتياجه وفى توقيت هو محتاجه فيها
اللى عايز يقرا اكتر عن الموضوع ده “الفكرة اللى بتديها وتطورها مع الوقت ” ممكن يدور تحت فكرة
Lean Startup
وانا هاحاول اكلمكم فيها بتفاصيل اكتر
انتوا شايفين اى فكرة افضل؟
بس قبل ما تناقشنى ففكرتى “بناء على اللى انت درسته – علشان ملاقيش حد يجى يقولى انت بتخرف يا كريم- ودا متوقع”
قولى بس “جوجل – اليوتوب – فيسبوك” كان ايه البيزنس مودل بتاعهم اول ما طلعوا خالص
انا مبقولش ان البيزنس مودل مش مهم – بالعكس دا مهم جدا ..بس القيمة المضافة هى الاهم

Social Media Trainer/Social Business Strategist Helping you build your online identity through Social Media

التعليقات مغلقة.