Twitter Chat

يعنى ايه
Twiiter Chat
والناس بتتفاعل عليه ازاى؟

الفكرة ان الناس بتتفق انها هاتتفاعل على هشاتاج معين فى توقيت معين بخصوص موضوع معين
الموضوع مش مقتصر بس ان الناس تكون فى اماكن مختلفة ممكن يبقى فى ناس قريبة جدا من بعض “من حيث المكان” ومع ذلك التفاعل يتم على الهاشتاج
كمثال: انا هاقول للناس تتفاعل معايا على هاشتاج
#SBKits
اثناء محاضرة اللى هاتكلم فيها عن شبكات التواصل الاجتماعى اللى هاعملها اثناء اسبوع ريادة الاعمال فى جامعة القاهرة فى الفترة اللى جاية 🙂
والناس اللى موجودة فى الحدث تقدر تنقل كل الكلام اللى هايتقال فى المحاضرة لكل الناس اللى مش هاتحضر
كده يبقى احنا عملنا محادثة و تويتر شات” على موضوع المحاضرة
شرحنا قبل كده فكرة التغطية المباشرة للاحداث هنا

او مثلا الموضوع الاشهر ان شركات مثلا بتبقى محددة توقيت ثابت كل اسبوع او كل فترة معينة “اول كل شهر – مرة كل 3 شهور” وفى اليوم المحدد فى الفترة محددة من كذا لكذا كل الناس “من مختلف انحاء العالم” بتدخل على الهاشتاج ده وتتفاعل ..والفكرة ان الهاشتاج ده معمول لاى حد حابب يسأل عن اى حاجة بخصوص الصناعة اللى الشركة او الشخص المستضيف للشات “او المسئول عن تنظيمه” موجود فيها.

بعض الشركات بتستخدم تطبيقات معينة بحيث تخلى تفاعل الناس على الهاشتاج جوه الموقع بتاعها “والتطبيقات دى بيبقى ليها مميزات قوية ..ممكن نتكلم عنها بعدين

وممكن يبقى موضوع الهاشتاج ان الناس هانتكلم عن السياسة او اى مجال او موضوع تانى ..لو اخدنا الرياضة “مثلا”موقع فى الجول بيعمل هاشتاج عن#دورى_الابطال
للتغطية والتعليق على المباريات الاوربية

هو ده المقصود ب
Twitter Chat
المصطلح ده بعض الناس بتقوله على المحادثة اللى بتحصل على تويتر حتى لو شخصين بس قعدوا يتكلموا كتير وكلامهم كله كان عبارة عن رد
على كلام بعض 

Social Media Trainer/Social Business Strategist Helping you build your online identity through Social Media

يجب أن تسجل دخولك لكتابة تعليق.