عن تحديث الغاء المعلومات عن الـ Custom Audience

بقالنا كام يوم بنسمع نقرأ اخبار كتيييير عن موضوع ان الفيس بوك لغي “خاصية” انك تعرف معلومات عن الـ Custom Audience، وبما ان الموضوع حصل فيه هري كتير..تعالوا نوضح ايه اللي حصل. التفاصيل اللي حدثت كـ “Technical” في اخر البوست

في البداية لازم نعرف ان الفيس بوك حاليا – وكما يقال – انه في Crisis Mode
بسب موضوع اختراق بيانات 250 الف مستخدم من خلال شركة Cambridge Analytica وانهم قدروا يوصلوا لبيانات 50 مليون مستخدم، واللي اتكلمنا عن تفاصيله هنا:
“فضيحة” تسريبات الفيس بوك مع شركه Cambridge Analytica”
وزي ما وضحنا ان الفيس بوك معرض لغرامة قد تصل الي 40 الف دولار عن كل حساب تم اختراق بياناته من الـ 50 مليون مستخدم…وان مشكلة الفيس بوك الرئيسية في الموضوع ده هو انه تم ابلاغه بأن في اختراق تم للبيانات سنة 2015 والفيس بوك بعت لشركة Cambridge Analytica طالبهم بمسح البيانات دي و شركة Cambridge Analytica ردت عليهم انها مسحت البيانات علي الرغم من انهم ممسحوش اي بيانات، وهنا خطأ الفيس بوك …انه معملش دوره وراجع وراهم واتأكد هل هما مسحوا البيانات ولا لا،
ودا اللي بسببه ممكن يتم تغريم الفيس بوك 2000000000000 دولار 🙂
ودا حاصل ضرب الـ 40 الف دولار الغرامة لكل حساب في  الـ 50 مليون مستخدم

– هل الفيس بوك هايبعت للـ 50 مليون حساب اللي تم استخدام بياناتهم؟
مارك اكد انهم هايبعتوا للـ 50 مليون مستخدم اللي تم استخدام حسابهم، والجميل انهم – علي حسب كلام مارك – ممكن يبقي فيه اداة تقولك مين من اصدقائك اللي اتأثر بموضوع اختراق الداتا…بمعني:
موضوع اختراق الداتا حصل من 3 او 4 سنين فاتوا، فممكن يكون كان في حد صديق ليك “او الكراش القديم مثلا :)” اتأثر بموضوع اختراق الداتا، فالاداة هتساعدك تعرف مين من اصدقائك او اللي كانوا اصدقائك اللي اتأثروا بالموضوع

في احداث كثيرة اترتبت علي اساس المشكلة دي منها:

  • الفيس بوك اعلن انه قام بناء علي طلب من الـ UK Information Commissioner’s Office بالعمل مع شركة Stroz Friedberg المتخصصة في digital forensics “الربط”بين العلم والتكنولوجيا في مراجعة وتحليل البيانات،
    في اجراء مراجعة وتحقيق بخصوص قضية شركة Cambridge Analytica واعطائها كافة الصلاحيات لبيانات الشركة للمراجعة.
  • موقع ABC.Net كتب “نقلا عن” موقع Bloomberg ان مارك مؤسس الفيس بوك خسر 6.3 بليون دولار من ثروته الشخصية
  • مارك قال انهم بيدرسوا امكانية ان يبقي فيه “عقد موثق” بين المطورين اللي بيطلبوا بيانات المستخدمين من خلال التطبيقات اللي بيعملوها، مش مجرد terms of service او شروط الخدمة…واللي الناس بتدوس next او I agree وخلاص.
  • انتشار حملة علي تويتر بتشجع الناس انها تمسح حسابها علي الفيس بوك، وعلي الرغم من ان الحملة شارك فيها بعض المشاهير وعلي رأسهم  احد مؤسسي تطبيق الواتساب،
    وايضا قام Elon Musk بمسح صفحات الفيس بوك لشركاته Tesla & SpaceX,
    و
    ايضا شركة Playboy التي اعلنت انها ستقوم بحذف صفحاتها علي الفيس بوك,
    بالاضافة للممثل Will Ferrell اللي اعلن انه هايمسح حسابه علي الفيس بوك
    وعلي الرغم من ذلك، مارك قال ان الموضوع كان تأثيره ضعيف جدا وان عدد قليل من قام بذلك لكنه مؤشر خطر. 
  • قام الـ Senator Ron Wyden احد اعضاء مجلس الشيوخ الامريكي بارسال جواب لمارك بصفته مؤسس للفيس بوك يطلب منه معلومات و توضيح لسياسة شركة الفيس بوك في التعامل مع بيانات المستخدمين مع التطبيقات الخارجية third party apps
  • مارك اكد ان Alex Stamos اللي كان Facebook chief security officer  هايسيب الشركة اخر السنة. وان تيم الـ security بشكل عام وعدده حوالي ١٥ الف هيتضاعف خلال نفس السنة.
  • نقطة مهمة جدا: مارك اكد انه مش هايغير الـ Facebook Ad model اللي بيعتمد علي ان الموقع متاح مجانا للجميع في مقابل تجميع بيانات العملاء، هما فكروا وبيفكروا في طرق اخري، بس حتي الان دي الطريقة اللي هايكملوا بيها.
  • الفيس بوك تعاون من قبل مع اكثر من جهة و اضاف امكانية انك تبلغ عن اخبار كاذبة، وبعد احداث انتخابات امريكا 2016..قام الفيس بوك بتطوير AI قدر انه يكتشف اكثر من 30 الف حساب وصفحة وهمية قبل و اثناء الانتخابات الفرنسية، وايضا اثناء الانتخابات في Alabama تم اكتشاف مجموعة كبيرة من الحسابات والصفحات الوهمية وقدروا يمنعوها من انها تنشر اخبار كاذبة، بالاضافة ان الي انه هايبقي في فرصة كويسة يكتشفوا الموضوع ويطوروا الخوارزميات اكثر اثناء الانتخابات اللي هتقام في البرازيل والهند… ودا اهم حاجة، انهم شغالين علي كل الطرق اللي بتساعد في الحفاظ علي معلومات العملاء.
  • الفيس بوك كان اعلن انه هايتيح للمستخدمين انهم يعروفوا الاعلانات اللي اشتغلت كـ Dark post علي الصفحات، بالاضافة الي ان المعلنين اللي بيستهدفوا اهتمامات سياسية لازم يقدموا تعريف لهويتهم.

كل النقط اللي فوق بتأكد ان الفيس بوك فعلا في اكبر ازمة مرت عليه وانه فعلا في Crisis Mode ولازم يتصرف بسرعة في اي حاجة تخص موضوع خصوصية البيانات…ودا اللي اترتب عليه التحديث الاخير للـ Custom Audience.

ايه تحديث الغاء المعلومات عن الـ  Custom Audience؟
وليه الفيس بوك يعمل كده؟
الاجابة علي ليه الفيس بوك يعمل كده هو الجزء الاول من المقالة…
دكتور Alan Mislove و مجموعة من الباحثين اكتشفوا طريقة يقدروا بيها يوصلوا لمعلومات عن الاشخاص اللي موجودين في اي Custom Audience هما عاملينها، يعني يقدروا يوصلوا لبيانات الاشخاص عن طريق صنع اكثر من Custom Audience ومقارنتهم ببعض.
وبالمناسبة – في بحث تاني من نفس المكان- وجدوا مشاكل في بعض الـ browser extensions اللي بتؤدي لمشاكل بخصوص بيانات مستخدمي الاضافات دي واللي بلغ عددهم 8 مليون مستخدم

هل الخاصية دي بتضر المستخدمين الموجودين في الفيس بوك بس؟
لا، الكلام ده بينطبق علي اي موقع بيقدم خاصية الـ Custom Audience..يعني بينطبق علي LinkedIn & Twitter بس – حتي الان – الفيس بوك هو الموقع الوحيد اللي قام بايقاف الخاصية تماما..واعطي مكافأة 5 الاف دولار للباحثين اللي اكتشفوا الثغرة دي…
ودا طبعا راجع للـ Crisis Mode اللي الفيس بوك فيه واللي بيجبره يتحرك بسرعة جدا في اي حاجة تخص البيانات والخصوصية في الوقت الحالي…بعكس لينكيدان وتويتر اللي لسه مأعلنوش عن اي حاجة حتي الان بخصوص الثغرة دي،
عكس الـ Crisis Mode اللي الفيس بوك فيه.

هل الفيس بوك لغي خاصية المعلومات عن الـ Custom Audience بس؟
لا برضه، الفيس بوك لغي ايضا خاصية الوصول لمعلومات الـ Third-Party Ad Data زي Acxiom و  Oracle Data Cloud واللي كانوا موجودين في الاستهدافات تحت مسمي الـ Partner Categories ودي المعلومات اللي الشركات دي بتجمعها بطرق كتير عن العملاء.

بالاضافة الي انه بيختبر حاليا process يقدر يتأكد بيها من ان الايميلات اللي بترفعها في الـ Custom Audience كـ Customer File انت اخدت موافقة من العملاء علي استخدامها.
دا غير انه هايمنع مشاركة الـ Custom Audience بين الـ Business Managers.

دا غير ان الفيس بوك حاليا بيختبر ايضا مميزات اخري زي
– تحديد معاد لانهاء صلاحية الـ Friend request
– الفيس بوك هيأجل اصدار الـ Home Speaker الخاص بيه
– اجراء العديد من التحديثات الخاصة بالمبرمجين و المطورين و ايقاف الموافقة علي التطبيقات الجديدة
– اختبار وضع خصوصية للتعليقات

فالموضوع توجه في الفيس بوك بشكل عام بخصوص اي حاجة تجاه الخصوصية وحماية البيانات، ومش تحديث علشان “يضر” المعلنين ولا يرخم عليهم، نيجي للجزء الخاص بالناس المتخصصين في التسويق 🙂

الـ Technical Part

هل الفيس لغي اي خاصية؟  الاجابة “Technical” لا…ملغاش اي حاجة.
طيب ايه اللي حصل؟
لو نفتكر من فترة حصل هجوم علي الفيس بوك من بعض المنظمات،
بسبب ان الفيس بوك كان بيسمح باستهداف الاشخاص بناء علي اهتمامات معادية للسامية
وقتها الفيس بوك “عطل” موضوع الاستهداف بناء علي الدراسة والوظيفة – لان الجزئين دول بالتحديد – هما اللي كان تحتيهم الخصائص اللي ينفع نستهدف بيها حاجات معادية للسامية…عطلهم فترة ورجعهم تاني
ودا اللي حصل بالظبط، كان في خاصية بتديك معلومات عن حجم الـ Custom Audience ووبعض المعلومات التفصيلية عنها و حاليا المعلومات دي مش بتظهر.
قبل ما نكمل الموضوع تعالي نعرف ايه نوعية المعلومات اللي بتظهر بشكل عام والمفروض بتظهر فين؟
وبعدها نعرف ايه نوعية المعلومات اللي “حاليا” مش بتظهر؟ وفين؟
في شخص اسمه Hassan Ibrahim عمل فكرة رائعة علي الاكسيل يوضح بيها الموضوع بالشكل ده

احنا عندنا دلوقتي 3 اماكن بتظهر فيهم 3 انواع من داتا العملاء
الاماكن: Audience Insight & Audience Assets & Campaign Manager/Ads Manager
وانواع داتا العملاء Custom Audience & Saved Audience & Lookalike Audience
“داتا العملاء دي بتبقي مشفرة ومحدش عارف مين فيها بالـظبط”
لو شرحنا كل حاجة فيهم
1- الـ Audience Insight ودا مكان بيديك معلومات تفصيلية عن اي Audience انت عايز تستهدفه
2- الـ Audience Assets ودا المكان اللي بتحتفظ فيه بكل الـ Audiences اللي انت عملتهم/جمعتهم
و المعلومات دي فيها 3 انواع
* Custom Audience زي انك ترفع ايميلات عملائك او تستهدف زوار موقعك او مستخدمي تطبيقك علي الفيس بوك
* Saved Audience ودول لو فيه جمهور محدد فيه مثلا صفات كتيرة بس انت بتشتغل عليه باستمرار، فبدل ما تقعد كل ما تيجي تعمل اعلان تدخل البيانات دي، بتدخلها اول مرة وبتعمل Saved Audience بحيث ترجع تستخدمهم علي طول
* Lookalike Audience ودي الفيس بوك بيقدملك مجموعة عملاء مشابهين لاي مجموعة من العملاء انت عملتها من خلال الـ Custom Audience… كل اللي عليك انك تحدد عملائك والفيس بوك هايقدملك ناس مشابهة ليهم
3- المكان الثالث هو الـ Campaign Manager او الـ Ads Manager ودا المكان اللي بتعمل منه اعلانك سواء بـ Custom Audience او Saved Audience او حتي لو هاتعمل اعلان لأول مرة
والـCampaign Manager او الـ Ads Manager  بيبقي فيه مصطلحين
– Potential/Estimated Reach ودا رقم بيقولك تقريبا حجم العملاء المتوقع الوصول ليهم بناء علي اختياراتك اد ايه
– Daily Estimated Results ودي توقع بناء علي مجموعة عوامل منها انت مستهدف مين ومستعد تدفع كام…بيقولك تقريبا هاتحقق نتائج اد ايه من الهدف اللي انت اختارته

بناء علي الكلام ده
– في الـ Audience Insight حاليا مش بيظهر فيها اي داتا سواء من
Custom Audience OR Saved Audience OR Lookalike Audience
لكن ممكن تدخل تفاصيل مثلا جمهور صفحتك وتعرف بيانات عنه اكثر.
– في الـ Audience Assets – حتي الان – تقدر تعرف حجم الـ Audience في Custom Audience OR Lookalike Audience
لكن متقدرش تعرفه في الـ Saved Audience
– في الـ Ads Manager تقدر تعرف حجم الـ Lookalike Audience بس…
لكن في جميع الحالات تقدر تعرف من خلال الـ Ads Manager   الـ Daily Estimated Results

– يعني مفيش حاجة اتلغت؟
لا مفيش، انت عندك نفس الخواص بكل الامكانيات، لكن مش هاتقدر تعرف عنها بعض التفاصيل حاليا.
مش هاتقدر توصل للبيانات دي سواء كانت من خلال الـ facebook نفسه او اي third party tool بتستخدم الـ API الخاص بالفيس بوك زي Adespresso ودي اداة بتقدر تدير اعلاناتك من خلالها مش من خلال الفيس بوك نفسه بامكانيات في الاغب افضل من الفيس بوك، الادوات دي كانت بتسمح تعرف بعض البيانات “زي استخدام الـCustom Audience داخل الـAds Manager،
لكن بالتحديث الاخير الموضوغ “حاليا” واقف في كل مكان.

المصادر:
الثغرة الجديدة الخاصة بتسريب بيانات العملاء
مصدر اخر بيتكلم عن الثغرة
حوار مارك مؤسس الفيس بوك مع جريدة NewYork times

اظهار الـ dark posts واثبات الهوية للمعلنين باهتمامات سياسية

الفيس بوك بيستعين بشركة Stroz Friedberg

Social Media Trainer/Social Business Strategist Helping you build your online identity through Social Media

التعليقات مغلقة.