إزاي تقدر تحصل على محتوى حصري بدون مجهود باستخدام الـUGC ?

 

صناعة المحتوى من أكتر الحاجات اللي بتسبب إزعاج لكتير من اللي شغالين في مجال الـSocial Media ، نظرا لأنها بتحتاج وقت ومجهود علشان تقدر تعمل محتوى يستحق إن متابعينك يهتموا بيه، ويضحوا بوقتهم في مقابل إنهم يشوفوا المحتوا بتاعك.

وأحد الأساليب المتبعة في صناعة المحتوى هي الـUGC واللي استخدمته شركة France Airline في حملتها الرائعة اللي أطلقتها بالتزامن مع إصدار فيلم The little Prince

الأول تعالوا نعرف يعني إيه UGC.

الـUGC هو إختصار User Generated Content وده أحد الأساليب اللي بتستخدمها الشركات لعمل محتوى خاص بيها عن طريق الناس، يعني مش الشركة هي اللي بتعمل المحتوى ولكن الجمهور، فقط الشركة بتعمل فيديو توضيحي للفكرة والناس بناءا على الفيديو بيبدأوا يتفاعلوا مع الفكرة ويعملوا المحتوى ويبعتوه للشركة .

زي مثلا حملة كوكاكولا لو ده جنان اتجنن، الشركة بس عملت الفيديو وبتنزله للناس والناس بتبدأ تعمل المحتوى وتبعت للشركة والشركة تنشر الكلام ده، وهنا الشركة بتخلق نوع من التفاعل وبتعمل علاقات قوية مع عملائها

وده مثال تاني على الـUGC.

الـFans بيعملوا الكومنت والصفحة تاخود أفضل كومنت تنزلة على الصورة وتنزلها تاني

Cسapture

كمان دي صفحة تانية بنفس الConcept إنها تنزل صورة الناس تكتب تعليقات وياخدوا الأفضل يتكتب على الصورة وينزل تاني

تمت الترجمة

وهنا شركة Lowe’s بعبقرية قدرت تستخدم موقع Vine في عمل حملة من أروع الحملات وهي حملة “Fix in Six ”

من المعروف إن Vine أحد مواقع التواصل الإجتماعي اللي بتقدر من خلاله تصور فيديو لمدة 6 ثواني بدون أي Editing على الفيديو وترفعه على الموقع

الشركة استغلت الموقع في إنها شجعت الناس على استخدام Vine في تصوير منازلهم وهي بتتغير للأفضل

   “وطبعا كلنا شوفنا حملة شيبسي “ماتوقفش الضحكة عندك

حملة شيبسي كمان تُعتبر أحد الأمثلة على الـUGC، الشركة عملت الفيديو وقالت للناس اللي المفروض يعملوه والناس فعلا تفاعلت مع الحملة وبدأوا يتصوروا ويرفعوا الصورة الخاصة بيهم مع كيس الشيبسي

ولو رجعنا لشركة France airline اللي اتكلمنا عليها في الأول ، الشركة عملت فكرة عبقرية للتواصل مع عملائها.

بالتزامن مع إصدار فيلم Animation إسمه   The little prince والفيلم عن قصة Antoine de Saint-Exupéry اللى كان طيار وكاتب، وكمان شاعر، لكن الموضوع ليه علاقة بالطيران.

الفكرة عبارة عن إن أي حد من العملاء هيسئل سؤال على تويتر هيتم الرد عليه برسمه، هيرسمها طفل وعملوا الفيديو ده علشان يوضحوا للأباء إزاي يتفاعلوا مع الفكرة ويبعتوا الرسومات اللي أولادهم هيرسموها، وكمان كنوع من التحفيز هيكون في فرصة إن الطفل يحصل على رحلة هو أسرته.


وده كان أحد الأمثلة لتطبيق الفكرة

وده فيديو تاني للحملة، إن الطفل يرسم شخصية The little prince واللي بتقدمها شركة Disney


الشركة استفادت إيه من الموضوع ده؟

أولا : الشركة حصلت على محتوى حصري بدون بذل أي مجهود 

ثانيا : قدرت تتفاعل مع العملاء وده بيساعد على إن يكون في Loyal Customers للشركة واللي بيكون عامل قوي في تحقيق أهداف الشركة 

 

Social Media Trainer/Social Business Strategist Helping you build your online identity through Social Media

التعليقات مغلقة.