التسويق الفيروسى..والعامل المفقود

شخصيا فى 5 من اصحابى ..بعتولى نفس اللينك
دا غير 2 من اصدقاء الصفحة بعتولى نفس الصورة 

اللينك والصورة كانوا لنفس الموضوع
الحوار اللى تم ما بين كوكاكولا و ماكدونالدز مصر 

ممكن تقروا الحوار كامل من هنا
الحوار اللى تم ما بين كوكاكولا و ماكدونالدز مصر  

المحادثة دى “من وجهة نظرى” ملعوبة جدا جدا
لو حد عمل بحث بسيط هيلاقى ان  ماكدونالدز كانت مشاركة كوكاكولا فى جولة الكأس
Trophy Tour
اللى كاس العالم بيلف فيها العالم برعاية كوكاكولا
ودا واضح من خلال التويتة اللى نزلت على الحساب الرسمى للحملة بيشكر فيها كوكاكولا و ماكدونالدز مصر
التويتة دى كانت يوم 14/11/2013
دا بشكل ما يثبت ان فى اتفاق ما بينهم ..وان الحوار محصلش “صدفة بحته”..يعنى بشكل او باخر فى اتفاق 

طيب ايه علاقة الكلام دا بعنوان الموضوع
التسويق الفيروسى هو الحاجة اللى بتتعمل وتتنشر بين الناس بشكل جنونى “او فيروسى” من غير ما يحتاج صاحب الحملة انه يدفع فلوس ويعمل حملات تسويقية للموضوع
ودا اللى حصل بشكل كبير فى المحادثة اللى فاتت..وكمثال من بحثى البسيط ..لما صفحة اسمها 

Screenshots

نشرت صورة المحادثة ..حصل عليها +1500 لايك / +600 شير  / +133 تعليق …
ولما موقع 

http://thinkmarketingmagazine.com/
كتب عن نفس الموضوع ..موضوعه انتشر 1252 مرة على الفيسبوك
ودا طبعا غير عاداتنا ان الشخص يحمل الصورة ويرفعها عنده او ان حد
ياخد صورة بنفسه للموضوع وينشرها 

طيب العامل المفقود هو حاجة اسمها
Sentiment Analysis 
التحليل العاطفى
ودى فكرة انك تحلل الكلام اللى بيتقال عنك او عن منتجك/خدمتك او حتى عن شركتك
هل الكلام ده ايجابى ولا سلبى ولا عادى
لو تفتكروا من كام شهر نزل بسكويت اسمه ديمو ..تقريبا مصر كلها اتكلمت عنه على تويتر ..وافتكر ان احد المواقع كان عامل تحليل لحملته ..ان الناس كلها اتكلمت عنها ..
​بس 90% منهم كان كلامهم سلبى عن الحملة 

التسويق الفيروسى ..شىء عظيم ..بس فى حالة انه بيتنقل بشكل سلبى ..شىء مضر جدا 

Social Media Trainer/Social Business Strategist Helping you build your online identity through Social Media

التعليقات مغلقة.