ليه النضارات البراند أو الماركات غالية جدًا؟ (تقرير)

النضارات البراند نضيفة بس حرفيًا سعرها بيصل ل5 أضعاف تمن صناعتها وتكلفتها على الصانع (وأكتر،) كلمة السر في الموضوع دا هو أسم شركة واحدة، شركة إيطالية أسمها Luxottica الشركة دي معاها أغلب السوق هي إللي بتصنع لChanel وVersace وDolce & Gabbana وTiffany & Co وPrada وCoach وBulgari ,وRalph Lauren وغيرهم كتير، وأكتر شركة بتجيب لهم فلوس هي شركة مش بس بيصنعوا ليها، بل بيملكوها وهي Ray Ban وأكتر نضارات بتتباع في العالم كله، البراندات بتبعت للشركة دي التصميم أو نموذج منه والشركة بعد كدا فيها أقسام كل قسم بيدي البراند مزاياه الخاصة والحاجة إللي بتعرف منها النضالرة دي تبع مين وما يميز كل براند، إلخ بس كلهم تحت شركة واحدة، الشركة دي كمان هي المسؤولة عن الماركتنج إللي خلى النضارات حاجة موضة جدًا وكله بيتمنى يلبسها وبيشوفها جذابة، وأيضًا الشركة دي معاها أكبر محلات بيع نضارات في أمريكا الشمالية كلها LensCrafters وغيره زي Oliver Peoples وPearle Vision وغيرهم كتير من أكبر محلات البيع وايضًا مشترية Sunglass Hut أكبر متجر نضارات في العالم ومعاها أقسام البصريات في متاجر كبيرة جدًا زي Target وSears، وناس كتير من المنافسين شايفين إن مفيش تنافسية ولا سوق حر حقيقي في مجال النضارات لأن أي حد بيفكر ينافس Luxottica بيقع زي شركة أسمها Oakley وكمان عشان لو Luxottica شالت نضارتها (وخاصة الRay Ban من أي حد صاعد، بيقع) والشركة عليها نقد كبير، بس المدير التنفيذ للشركة مختلف مع وجهة النظري دي، طبيعي أكيد، وشايف إن ليهم منافسين كبار زي Walmart وCostco وشركات أونلاين زي Warby Parker، ومش بس كدا، شركة Luxottica كمان داخلة في مجال النضارات البصرية وتملك تاني أكبر تأمين على العيون في أمريكا EyeMed ودا بيخلي التنافسية معاها أو الشكاوي منها حتى في المجال الطبي قليلة أو مش عالية!

لمشاهدة التقرير

الموضوع منقول من Mahmoud Mahdaly

Social Media Trainer/Social Business Strategist Helping you build your online identity through Social Media

التعليقات مغلقة.