ليه اعلانات الفيس بوك سعرها زاد…وليه لسه هايزيد اكثر !!

بعدما اتكلمنا عن نتائج  و ارقام الفيس بوك في الـ Q3 لعام 2018

خلينا نوضح الطرق المتاحة حاليا قدام الفيس بوك في ظل تراجع النمو للارباح بشكل ملحوظة واللي ادي الي انخاض اسهم الفيس بوك بنسبة 20% بعد اعلان نتائج الـ Q2 في عام 2018 

في الاغلب الفيس بوك قدامه 3 طرق علشان يرجع يزود مكسبه
1- يقدم خدمات جديدة يكسب من خلالها او عن طريقها
2-  يستغل الامكان المتاحة ويحقق مكسب اكثر منها
3- انه يستفاد من العدد الحالي و يحقق مكسب اعلي من كل مستخدم
Revenue Per Users

الطريقة الاولي
هي انه يلاقي اماكن جديدة يظهر فيها الاعلانات: ودي الفيس بوك كشركة تضم مجموعة شركات زي الـ WhatsApp & Instagram شغالة عليها حاليا زي ما اتكلمنا في بوست 2018 رؤية لنتائج الربع الثالث لارقام الفيس بوك عن طريق اضافة خدمات جديدة زي الـ Marketplace, Jobs, Fundraiser & dating دا غير الرسائل الاعلانية علي الـ WhatsApp واعلانات الـ Stiores علي كل الـ Paltforms اللي بيمتلكها واعلانات الفيديو سواء من خلال الـ Watch Tab او IGTV او حتي زي ما مارك قال ان الـ Explorer tab واللي 20% من مستخدمي انستجرام بيستخدموه مفيش عليه اعلانات “حتي الان”

الموضوع واضح جدا من امثلة زي ربط الفيس بوك بالخدمات التانية زي الـ WhatsApp

و مؤخرا ربط الناس اكثر بانستجرام من داخل الفيس بوك

 

الطريقة الثانية:
هي انه يحقق استفادة اقصي من الاماكن المتاحة حاليا ويكسب اكثر منها،
ودا ممكن يوضح جدا لو عرفت ان الفيس بوك بيختبر طريقة جديدة في عرض الـ Stories علي الفيس بوك عن طريق انه 6 Stories ومضاعفتهم

وانه بيعرض احدث الـ Hihglights داخل الـ Instagram feed

 

وبالنسبة للمستخدمين اللي مش بيستخدموا الـ highlights، فابتدا انه يعمل Curated Highlight و يجمع مجموعة من وصورهم ويختار لها اسم ويقدمها كمقترح جاهز علي النشر 🙂

 

ولو مستغرب ازاي الفيس بوك يوصل للمرحلة دي، فخليني اوضحلك انه نظرا لزيادة عدد المعلنين فالفيس بوك بيختبر حاليا انه يعرض اكثر من اعلان من شركات مختلفة في نفس المكان 🙂

طبعا الموضوع في الاول ممكن يبقي للشركات اللي تعتبر نفس الـ Brand زي مثلا Pampers & Ariel & Pantene & Gillette اللي كلهم تبع P&G
او زي Dove & AXE & Vasline & Sunslick اللي كلهم تبع Uniliver

وبعدها ممكن يبقي الحاجات اللي ممكن تكون مكملة لبعض…زي انه يعرض اعلانات شركة بتعلن عن بنطلونات وشركة تانية بتعلن عن تيشيرتات مع بعض،

بس كلنا عارفين ايه اللي هايحصل بعد كده 🙂

الطريقة الثالثة:

وهي انه بنظام الـ Auction اللي معتمد علي فكرة الـ Bidding يقدر يخلي تكلفة كل مستخدم – بما فيهم المستخدم اللي كنت بتوصله قبل كده بسعر قليل – اغلي من اي وقت فات

الفيس بوك حاليا – بعد اعلان نتائج الـ Q3 – وخاصة في ظل تطوير الطريقة الاولي والثانية وعدم نجاحهم حتي الان، مفيش قدامه غير الطريقة دي

وعلي الرغم من الفيس بوك حاليا مستمر في زيادة عدد المستخدمين مستخدم الجدد حول العالم، لكنه واصل تقريبا لمرحلة الثبات في زيادة عدد المستخدمين خاصة في امريكا وكندا

فزيادة تكلفة الاعلانات للوصل لنفس المستخدمين هو الحل الوحيد قدامهم حاليا.

وخليني اوضحلك انه بالفعل متوسط تكلفة الربح من كل مستخدم كانت $5.97  عالميا وزادت  ووصلت لـ $6.09  عالميا
دا غير انها وصلت لاعلي رقم ليها في امريكا وحققت رقم$27.61 لمتوسط الربح كل مستخدم، بعد ما كانت $25.91 لكل مستخدم

فبالتالي، ولحين نجاح الطريقتين الاولي والثانية اعلانات الفيس بوك وتكلفة الوصول لنفس عدد المستخدمين هاتفضل في زيادة مع الوقت

Comments

Social Media Trainer/Social Business Strategist Helping you build your online identity through Social Media

التعليقات مغلقة.