توضيح لمفهوم خاطىء عن الهاشتاج؟

توضيح لمفهوم الهاشتاج

توضيح لفكرة الناس اللى بتكتب هاشتاج باسمها فى كل بوست “خاصة على الفيسبوك”
ولما تسأله انت بتعمل كده ليه يقولك علشان ارجع والاقى “انا او غيرى” كل الحاجات اللى كتبتها 

  الفكرة من وراء الهاشتاج
“اول ما بدء على تويتر” كانت وظيفته التنظيم مش الارشفة..

يعنى الناس بتكتب على الهاشتاج فى نفس الوقت فبتعرف مين اللى متفاعل معاك من اى مكان فى العالم ..وطالما الناس بتتفاعل بتقدر تشوف التفاعل القديم ..
ودا برضه محدود بعدد معين “تقريبا 3200 تويتة ” من التويتات اللى تقدر تشوفها -يعنى لو التفاعل كبيييييير جدا برضه “وزاد عن الحد” فى حاجات مش هاتشوفها مع انها مكتوبة فى نفس الوقت …وفى بعض الاحيان لو الهاشتاج مستمر او بيتكرر كل فترة
Twitter Chat مثلا”
مش هاتقدر تجيب الهاشتاج من ساعة ما بدأ برضه هايبقى ليه حد ومش هايقدر يحمل ويعرض التويتات القديمة …
دا على تويتر..

على الفيسبوك الموضوع اسوء من كده ..لان الفيسبوك ليه معادلة “كان اسمها سابقا EdgeRank”مش بتسمح انك تشوف كل البوستات اللى بتّكتب فى نفس الهاشتاج.

فى خلط عند ناس كتير فى الفرق بين الهاشتاج على مواقع التواصل الاجتماعى والتاج فى المواقع والمدونات.. التاج بيقدر يأرشف وتقدر ترجع لكل الحاجات الموجودة فى تاج معين ..ودا مبيحصلش فى الهاشتاج ولا دا اصلا الهدف من الهاشتاج

الهدف الاساسى من الهاشتاج هو الانتشار ..

انك توصل لناس اكتر ويتفاعلوا معاك ..
والهاشتاج المفروض ليه قواعد او “Etiqutte” سواء هاتتفاعل فى هاشتاج موجود بالفعل او هاتنشىء هاشتاج جديد

هانتكلم عليها في مقالات اخري

Social Media Trainer/Social Business Strategist Helping you build your online identity through Social Media

التعليقات مغلقة.