مدونة أسود و أبيض

تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

أسير توقعات الناس منك

عمرو واكد واخده حماس نضالي وقاعد يقول ان التعديلات الدستورية لن تمر وبتاع، وهما قطعوله الباسبور فقام هو مقطع البطاقة وطلع مع جو تيوب وراح المؤتمر اياه…

الواحد لما بيشوف اللى حصل لبعض او كتير من الناشطين منذ الثورة، بيقول قد ايه سهل وسريع ان اى احد يقع اسير قصته، اسير توقعات الناس منه..
يتظلم فيقاوم فيتكتب عليه النضال ، فيناضل كأنه اختيار
ده مش بيحصل فى الثورة بس، فى كل حاجة، الناس فى الحقيقة اغلبهم ما بيكتبوش قصصهم، هما اسرى قصصهم المنسوجة ليهم..
الجواز، الولاد، الشغل، المقاومة،طولة اللسان، الطيبة.. كل حاجه ممكن توقعك أسير، ما تبقاش عارف انت اخترتها ولا اختارتك وانت تماهيت معاها…
الاخطر فى اعتقادى من اسرى قصصهم السيئة، هما اسرى قصصهم الجميلة، المناضلين غصب عنهم، الطيبين علشان ما بيعرفوش يبقوا اشرار، الناجحين علشان خايفين من الفشل، الامهات الهاربات من الاحساس بالذنب، الازواج المخلصين لانهم مش قادرين يتحملوا كلفة الخيانة.. وكلنا ده بقدر ما.. فى شيئ ما..
اتمنى الواحد يكتب قصته.. ما تكتبهوش قصته…
Did you exchange
A walk on part in the war
For a lead role in a cage?

عمرو واكد واخده حماس نضالي وقاعد يقول ان التعديلات الدستورية لن تمر وبتاع، وهما قطعوله الباسبور فقام هو مقطع البطاقة…

Posted by Karim Omar on Thursday, April 4, 2019

انتقل إلى أعلى