مدونة أسود و أبيض

تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

أهم اسباب فشل الحصول علي تمويل للمشاريع

كثير من المشاريع الناشئة بتحاول تتواصل مع مستثمرين علشان تحصل علي تمويل, اذا كانت مؤسسات VC أو اشخاص, وكثير بينجح وكثير برضوا بيفشل انه يحصل علي تمويل, خليني أشرحلك أهم الاسباب في نقاط .

– لازم تبقي فاهم المستثمر بيفكر أزاي وتعرف ان عقليتة متقدمة عن عقليتك لان غالبية المستثمرين عندهم أستشاريين متخصصين أو بيتعامل مع مكاتب استشاريين محترفين فهما بيشوفوا اللي انت مش شايفة عن مشروعك .

– قدرة المشروع الناشئ علي التوسع افقي وراسي أهم من قدررته علي تحقيق مكسب صافي في اول 5 سنين, لازم مشروعك يكون مصمم علي التوسع .

– تطوير القيمة السوقية أهم من زيادة عدد العملاء, لان المستثمر هيبيع القيمة السوقية دي وهيكسب منها مش هيبيع العملاء او ارقام المبيعات .

– مشروعك لازم يكون في اطار المشاريع التنافسية للوقت الحالي , ولا هو تقليدي زلا هو سابق عصره, علشان كده ناس كتير بتستغرب ازاي مشروعات فكرتها هايفة او تافهة من وجهة نظرهم قدرت تاخد تمويل ومشاريعهم هما لا, تقييم المستثمرين مختلف .

– كل جهات الاستثمار بتدعم رؤية مصر 2030 من الاخر كده, الافضلية يكون مشروعك في الاتجاه ده, التكنولوجيا , التعليم , حلول الدفع الالكتروني , تمكين المرأة , بدائل الاستراد , الاقتصاد التشاركي , الصناعات البديلة ( للمستورد ) …

– المستثمر اللي هيمولك النهاردة عايز يضمن انه يقدر يبيع نسبته في مشروعك بكره لمستثمرين تانيين , فهو بيهتم بقوة فريق العمل وعقليتهم وسنهم وثقافتهم , والمعايير بتختلف باختلاف المحافظات في مصر يعني معايير الصعيد غير القاهرة .

– الاقاليم والصعيد ليهم فرص أكبر من القاهرة الكبري علي عكس السنين اللي فاتت وبمعايير تقيم أقل بكتير .

– المنافسة في الاختيار بتبقي علي فرق العمل والاشخاص المؤسسين مش الافكار بتاعت المشاريع, لان الفكرة من غير فريق عمل يقدر يحققها ليس لها قيمة, أهتم باختيار مؤسسين أقوياء ومفيش حاجة اسمها عامل البروجيكت لوحدي خلاص .

– انت عندك 6 مراحل للتمويل من A الي F في كل مرحلة بتختار مستثمرين مختلفين بحجم بادجيت أعلي في الكاش, فلازم تقسم جهات التمويل والمستثمرين ليفيل وتعرف انت في اني ستيدج علشان تقدر تحدد انت هتقدم لمين .

– تعالي علي نفسك معلش واستعين بمتخصص أو استشاري او شخص محترف .

– المستثمر بيفضل يمتلك 1% من مشروع قابل للتوسع في القيمة السوقية عن امتلاكه 30% من مشروع هيحقق ارباح نقدية مع الوقت, المستثمريين الوقت عندهم بفلوس .

في النهاية لازم تعرف ان حجم التمويل المخصص للمشاريع الناشئة كبير جداً واكبر مما تعتقد ومصادر التمويل من جهات حكومية وصنديق استثمار وبنوك وجهات خاصة وحاضنات ومسرعات اعمال و VC وجهات اجنبية داعمة وسفارات دول ومؤسسات عالمية وصندوق النقد والبنك الدولي وافراد … فأنت عندك بدل الفرصة 100 والنهاردة بقيت المشاريع الناشئة قادرة انها تسافر وتحصل علي تمويل من برة مصر في دبي وسيلكون فالي , مهم يبقي عندك المعلومات وتتحرك صح .

كثير من المشاريع الناشئة بتحاول تتواصل مع مستثمرين علشان تحصل علي تمويل, اذا كانت مؤسسات VC أو اشخاص, وكثير بينجح وكثير…

Posted by Sherif Saied on Tuesday, April 16, 2019

انتقل إلى أعلى