مدونة أسود و أبيض

تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

اتجوز راجل غني دخله اكبر من نص مليون دولار سنويا

د من مدير بنوك JP Morgan لبنت بتسآل سؤال في منتدى مشهور علي الانترنت :
(جدير بالذكر ان الراجل ده مرتبه بس في ٢٠١٣ كان اكتر من ٢٠ مليون دولار مما يجعله الاعلي مرتب بين كل مديري البنوك في امريكا)

البوست بتاع البنت المزة كان كالتالي:

انا هاكون صريحة معاكم في اللي هاقوله هنا … انا عندي ٢٥ سنة وجميلة جدا .. ستايل و ذوقي حلو .. ونفسي اتجوز راجل غني دخله اكبر من نص مليون دولار سنويا علي الاقل.

انتو ممكن تقولوا عليا طماعة .. بس اصلا المليون دولار سنويا كدخل بقى يعتبر طبقة متوسطة في نيويورك.
فأنا طلبي مش كبير… مفيش حد في المنتدى ده دخله اكبر من نص مليون دولار سنويا؟؟
خلاص ؟ كلكم متجوزين ؟

انا عايزة اسآل: هي الواحدة المفروض تعمل ايه عشان تتجوز واحد غني زيكم ؟
من بين كل اللي ارتبطت بيهم .. اغني واحد فيهم كان دخله ٢٥٠ الف دولار في السنة.. تقريبا ده اخري.

لو حد هايروح يعيش في حدائق غرب نيو يورك (منطقة جديدة للاغنياء) فاحب اقوله ان ٢٥٠ الف دولار مش هايكفوه.

المهم انا هنا عشان اسآل اسئلة واضحة :

١. هما الرجالة الاغنيا بيخرجوا فين ؟ (عايزة قايمة باسماء المطاعم والبارات والجيم و كده)
٢. هو ايه السن المناسب اللي انا المفروض اركز عليه عشان اتجوز؟
٣. هو ليه الرجالة الاغنيا بيتجوزوا بنات عاديين ؟ انا قابلت بنات شكلهم عادي جدا وقدروا يتجوزوا رجالة اغنيا
٤. هو انت كواحد غني يعني .. ازاي بتقدر تقرر مين تبقى مراتك ومين تبقى مجرد صاحبتك Girlfriend?

شكرا.
آنسة جميلة.

والرد كان كالتالي :

عزيزتي انسة جميلة،

انا قريت البوست بتاعك باهتمام شديد جدا . واعتقد ان في بنات كتير عندهم نفس اسئلتك دي. اذا سمحتيلي اني احلل موقفك كخبير استثمار .

انا دخلي اكتر من نص مليون دولار سنويا .. مما يجعلني مناسب لمواصفاتك .. يعني اتمني ان كل الناس هنا تعرف اني مش بضيع وقت.

من وجه نظر رجل اعمال بحتة .. فقرار اني اتجوزك هو قرار سئ جدا ، الاجابة سهلة جدا .. خليني اشرحلك:
بدون تفاصيل كتير .. كل اللي انتي بتحاولي تعمليه هي عملية تبادل ل”جمالك” مقابل “فلوسي”: شخص (أ) هايوفر الجمال .. وشخص (ب) هايدفع تمن الجمال ده. الموضوع عادل تماما.

ولكن، في مشكلة قاتلة هنا .. انتي جمالك متوقع انه هايضيع مع السنين.. بينما فلوسي مش هاتضيع بدون سبب قوي وغير متوقع. بل بالعكس، انا دخلي هايزيد سنة بعد سنة .. لكن انتي مش هاتبقي اجمل سنة بعد سنة.

وعليه، من وجهة نظر اقتصادية .. انا اعتبر اصل تقديري قيمته بتزيد مع السنين (زي الارض) .. في حين ان انتي تعتبري اصل استهلاكي قيمتك بتقل مع السنين .. ومش اصل استهلاكي عادي كمان .. لا.. انتي اصل استهلاكي معدل اهلاكه عالي جدا. يعني لو جمالك هو كل اصولك .. قيمتك هاتنتهي تماما في خلال ١٠ سنين.

في جملة بنستخدمها في وول ستريت بتقول: كل عملية ولها وضع تداول. الارتباط بيكي يعتبر “وضع التداول”.
لو القيمة بدآت تقل مع الزمن … فاحنا بنبيع ومابتبقاش فكرة سديدة اننا نحتفظ بيكي لفترات طويلة.
نفس الكلام ينطبق علي الجواز اللي انتي عايزاه.
انا اسف اني اقول كده … بس اي اصل معدله الاهلاكي مرتفع .. يُنصح ببيعه او علي الاقل “تآجيره”

اي شخص دخله فوق النص مليون سنويا فهو مش شخص غبي.. اخره هايصاحبك.. بس عمره ماهيتجوزك. فانصحك انك تبطلي تدوري علي واحد غني يتجوزك. وبالمناسبة.. فرصتك في انك انتي نفسك تبقي من اصحاب الدخول اللي فوق نص مليون سنويا اكبر من فرصتك من انك تلاقي واحد دخله فوق النص مليون ومغفل كفاية انه يتجوزك.

اتمني اكون اجبت علي كل اسئلتك.
شكرا

 

انتقل إلى أعلى