مدونة أسود و أبيض

تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

احتياج معين مرتبط بتوقيت معين

مشكلتنا ممكن تتلخص في احتياج معين مرتبط بتوقيت معين

في وقت “سن المراهقة” انت بتخلط لانك بتتعلم ..فبتحتاج تفهّم وقتها ..مش شتيمة او زعل او معاقبة
اوقات بتبقي مخنوق او متضايق..فبتحتاج حد يحضنك او يقعد جنبك ساكت ..مش محتاج كلام، ولا نصيحة ولا سؤال وجودي زي “مالك او فيك ايه” ..انت محتاج تبقي لوحدك او شخص جنبك ساكت
توقيت تاني بتبقي تايه او متلخبط ..فبتحتاج نصيحة تساعدك تفهم او تجاوبلك علي سؤال محيرك ..مبينفعش في التوقيت دا السكوت او الشعور ان اللي قدامك مش قادر يحل مشكلته علشان يساعدك ..بيبقي عدم وجوه وقتها افضل…في اوقات بتحتاج
شخص يسأل عليك
زيارة او تليفون او مشوار تعمله من شخص
تقدير لموقف انت غلط فيه بس انت عملت حاجات كتير صح غيره
عدم محاسبة او معاتبة في توقيت انت مش قادر تستحمل اي حاجة تتقل عليك اكتر من اللي انت فيه

اغلب الاشخاص اللي بنتعامل معاهم “اهل/ اصدقاء/ زوج / زملاء عمل” مشكلتهم لما مش بيعرفوا يديوا كل توقيت حقه ..او بيغطوا احتياج في توقيت احتياج تاني بتحصل مشكلة لان احتياجك محدش اشبعه ..
والمشكلة الاكبر وانت بتحاول تتعافي من الاحتياج ده مبيبقاش عندك طاقة انك تشرح او توضح الوضع الجديد اللي انت بقيت فيه ..
كل المطلوب وقتها انهم يقبلوك بتغيرك الجديد اللي هما كانوا احد اسبابه ..او يسبوك ويمشوا.

مشكلتنا ممكن تتلخص في احتياج معين مرتبط بتوقيت معين في وقت "سن المراهقة" انت بتخلط لانك بتتعلم ..فبتحتاج تفهّم وقتها…

Posted by Karim Soliman on Friday, January 8, 2016

انتقل إلى أعلى