تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

احنا الولاد كداااااه

انا بكره الولاد !
بجد اسواء كائن تستنى منه رد فعل على هدية او مفاجاءة!
اللي هو بعد ما تبقي بقالك ايام و ممكن اسابيع و شهور كمان بتفكري في تفاصيل الهدية و تتابعي هو محتاج ايه او نفسه في ايه و تراقبي روتينه اليومي و كل كلمه في حواركم و عنيه في كل محل تدخلوه لحد ما تلاقي الهدية المثالية و تبذلي مجهود ذهني في كل كلمة بتتكتب في الكارت و تجمعي صحابك تعصروا دماغكم في احسن طريقه تقدميهاله و تتحمسي. لا تبقي طايره من الحماس و انتي بتفكري قد ايه هيتفاجيئ و يفرح …
و يجي هو بكل لا مبالاه و ابتسامه صغيره كده يقولك “الله،حلوه، شكراً”…!
لا و يبررلك كمان انه “ما اصل انا مبسوط من جوايا بس احنا الولاد كده”…

احنا الولاد كداااااااه?????????
ليه مبتتنطتوش و تصوتوا ?
ليه مش بتشهقوا اول ما تشوفوا الهدية و تقولو “بتهزريييي” و تتكوا عالتيه كده! هاه??????
ليه مش بتدمعوا من الكلام اللي في الكارت و تحطوا ايدكم على بقكم و تنطوا تحضنونا في قمة التأثر!
ليه هاا ?? لييييه???
ده انا لو جايبه لكلب عضمه هيتنطت و يهز ديله و يطلع لسانه حرام عليكم كفرتوناااا
احنا الولاد كداااااه!!!!

 https://www.facebook.com/lubna.elmansy/posts/10211048118627984
انتقل إلى أعلى