تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

اريح الشخص اللي هرتبط بيه

انا معنديش مانع اريح الشخص اللي هرتبط بيه عشان هو كمان يريحني .. بس لازم ابقي فاهم هريحه ازاي ..

يعني هي لو مش بتحب اللون الاصفر وبيزغلل عنيها هعرف كده ومش هلبسه …

مش هلبس اصفريعني …لو بتكره الصوت العالي …مش هعلي صوتي … لو عاوزاني اقولها كلام حلوه …هقول كلام حلو

لو مابتحبش عزت العلايلي … فده طبيعي يعني مش هعمل حاجه 😀

لكن دلوقتي انا مبقتش فاهم والله شريحه كبيره من البنات بتفكر ازاي … يعني البوستات والفيديوهات اللي بتنزل من بنات والاقي عليها لايكات كتير وشير بالهبل من بنات فده يديني مؤشر ان فيه بنات كتير كده

مش كل البنات ..ولا جميعهم 😀 … ولكن شريحه كبيره بدأت تفكر كده

انا مش معترض اني اريح شريكه حياتي ..بس يعني لما تقوليلي انا مبقتش حاسه “بشغف في العلاقه ” المفروض اعمل ايه ؟! طيب ماتفهميني يعني ايه شغف عشان اريحك واعملهولك …مش يمكن اطلع بعرف واشغف عليكي ؟ ولو معنديش شغف اجبلك شغف .. منا ياما جبتلك دباديب وورد

لما تقوليلي نفسي” تطبطب علي دموعي !! ” انا عشان اعمل حاجه زي دي او اطبطب علي دموعك فأنا كده هديكي بالقلم عشان اطبطب علي دموعك اللي علي خدك …او ادخل اطبطب عليهم قبل ماينزلوا وافقعلك نني عينك يا بيبي <3

لما تعملي شير لتفاحه ادم بتاعه واحد ..وتقولي هييييييح !! طيب دي اعمل فيها ايه دي ؟! اجبها ازاي ؟! انا اعرف حد يروح يزرع سليكون …يزرع شعر …لكن منظري ايه وانا رابط رقبتي برباط ضاغط ..واي حد يسألني اقولهم اصلي زارع تفاحه ادم بس لسه مطرحتش 🙁

لما تقوليلي انا اديتك كل حاجه ..” حتي فتافيت المشاعر ” … انتي كده مقدراني يعني ؟! وبعدين فتافيت ايه ده بدل ماتديني ورك فرخه او صوباعين محشي !

لما الاقيكي عامله شير لبوست ” نفسي ادوق من روحك حته ” مش فاهم يعني ايه المتعه والرومانسيه في كده ؟! وهل انا عشان ابقي رومانسي ..اقولك “طب خدي عيش غمزي ياعمري عشان تشبعي <3 ” ؟! … بالله عليكم ياريت ياجماعه اي حد داق من روح اللي جنبه حته يقولنا طعمها ايه عشان بقرف ومش هدوقها حاجه 😀

معنديش مانع اني اسعدك واطبطب علي روحك …واغطي احساسك في البرد …. معنديش مانع اطبطب علي كرات دمك الحمراء … واجبلك جبنه بيضه قديمه من “الصفائح ” الدمويه بتاعتي …ونشرب بلازما سوا من دمي <3 …. بس فهميني الحاجات دي بتتعمل ازاي وانا اعملهالك ياعمري

#ممكن_ادوق_من_تسوس_سنانك_حته ؟! #عشان_اقطع_من_حشو_ضرسي_واديكي_يا_قلبي <3

#شغف #محن #هجر #فراق #احمد_موسي

رحلتي من الطب الي الألش
Mohammed Ben Gamal

 https://www.facebook.com/jimmmys89/posts/10153913308158417
انتقل إلى أعلى