تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

افرحوا بالحاجات الصغيرة

بفرح جدا لما بشوف حد “كاتب” انه فرحان بحاجة صغيرة هو عملها
بفرح لان دي حاجة متعودناش عليها …فكرة انك تكافيء نفسك علي حاجة حتي ولو صغيرة فكرة منتشرة في العالم كله الا “الكوكو” بتاعنا
احنا اتوعودنا نفرح لما نخلص مرحلة تعليمية، نلاقي شغل، نتجوز ..وهكذا
لكن تفرح انك “قريت كتاب” كنت حابب تقراه في مدة معينة ..تفرح انك خلصت “كورس اونلاين” عن مجال انت حابه ..دي حاجات للاسف مش موجودة في قاموسنا
افرحوا وربوا ولادكم انهم يفرحوا بنفسهم وبالحاجات الصغيرة اللي بينجزوها، لان المعايير والـ benchmark بتاعت الايام دي صعبة جدا…ولو متعودوش انهم ينجحوا ويكافؤا نفسهم علي الحاجات الصغيرة ..مش هايحققوا اي نجاحات كبيرة
انتقل إلى أعلى