مدونة أسود و أبيض

تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

الاسئلة الوجودية اللي ملهاش علاقة بيك

ذاكرت؟
نجحت؟
اتخرجت؟
خطبت؟
مش هانفرح بيكي؟
اتجوزت؟
خلفت؟
مش هاتخاويهم؟
ابنك …
ذاكر؟
نجح؟
اتخرج؟
خطب؟
اتجوز؟
خلف؟
مش هيخاويهم؟

كل الاسئلة الوجودية دي ملهاش علاقة بيك.. اللي بيسألك
ممكن ميبقاش ..
عارف انت في سنة كام وهو بيقولك ذاكرت او نجحت؟
فاكر انت خطبت مين وهو بيقولك اتجوزت؟
حافظ اسم ولادك وهو بيقولك مش هاتخاويهم؟

هو مبيسألش عليك اصلا، هو عايز يطمن ان “هو” كويس؟
ان النظام اللي هو مش عليه طول عمره كان صح؟
مش عايز يحس انه قصّر، عايز يطمن ان الناس كلها عملت وبتعمل نفس اللي هو بيعمله..
ان الموضوع بيتعاد فاكيد اللي حصل كان صح!!
التشابه بين الناس اللي بتعمل الموضوع عن فهم وبينجحوا،
وبين اللي بيعملوا الموضوع لانه مش لاقي حاجة تانية ينجح فيها ..فبيلجأ انه يعمل “زي الناس”
مش يمكن تظبط؟
مش يمكن انجح انا كمان؟
طيب علي الاقل هابقي واحد من اللي بيسألوا ومحدش هايجي يسألني انت ناجح في حياتك ولا لا؟

كل الموضوع انه بيتغدي بيك..يمكن ينسي جوعه

انتقل إلى أعلى