تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

الجواز الاقرب للاسلام

فى شاب عايش فى بلد اوربى, وهو عنده 18 سنة حب بنت و صاحبها و عاشوا مع بعض فى شقه واشتغلوا مع بعض و بنوا بيتهم مع بعض و شافوا ايام حلوه و وحشة و ذكريات فشل و نجاح ,مع بعض لما بقى عندهم 35 سنة بقى عندهم فلوس و ذكريات وحياه كبيرة وهو مسنود عليها و هى مسنوده عليه
فى شاب عايش فى مصر وهو عنده 18 سنة حب بنت بس معرفش يتقدم عشان مصاريف الجواز اكتر من فلوس صندوق تحيا مصر , فا فضل عايش لوحده يشتغل ويعافر لوحده فى الدنيا و يتكحرت لحد ما بقى جهاز و هو عنده 35 سنة , راح اتقدم لبنت و اتجوزها ,يمكن معاهم فلوس ,بس مفيش ذكريات مفيش حياة كانت بينهم مفيش قصص نجاح وفشل و لا حد كان ساند على حد
____
شيل كده كلمة “صاحبها” فى النموذج الاول وحط مكنها “اتجوزها” و قولى كده مين أقرب منهم لشكل الجواز فى الاسلام اللى ربنا أمر المسلمين بيه عشان يفرحوا و يعفوا نفسهم ؟

https://www.facebook.com/Amer151515/posts/10158657191360597

انتقل إلى أعلى