تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

الخلط بين القرار والاختيار

كتب العظيم سيث جودن
Choosing without deciding
الفكرة دي عبقرية فشخ …
فكرة انك بتعمل اختيارات وقرارات كتيير جدا …فاحيانا بنتخلط بينهم وبتاخد وقت و تفكير و خطوات في حاجة تافهه…
وتتصرف بغباء و عشوائية في حاجة مهمة جدا
 
نظريا
الاختيارات بالمفروض تبقي مثلا:
– هلبس ايه النهاردة
– السؤال الوجودي “هناكل ايه” النهاردة
– اروح عن طريق كوبري اكتوبر ولا امشي صلاح سالم
 
والقرارات المفروض تبقي:
– هاكمل في الشغل اللي انا مش طايقه وبفكر كل يوم الصبح اسيبه لكن ان باخد منه فلوس كويسة، ولا اروح اشتغل في اللي بحبه ومحدش بينام من غير عشا
– اعمل الحاجة اللي متأكد منها وحاسس وشايف نفسي فيها وعندي امثلة كتيرة صح عليها، ولا اعمل “الصح” وامشي جوه الحيط لان دا اللي هايرضي اهلي واصحابي اللي مشفوش اي امثلة من اللي عشتها
– اسيب مجال لبست فيه بناء علي درجات خلاط اسمه ثانوية عامة اعتمد علي اكثر حد بيحفظ من غير ما يفهم كمعيار للنجاح ونادرا لما حد كمل في مجاله ونجح… لكن انا درسته ٤ سنين علي الاقل، ولا ابدأ علي نظافة و ادرس مجال بحبه وهاويه من زمان بس لازم اتعود اتعلم صح واتعب علشان اخد المعلومة و “افهمها” وافضل ادور اونلاين
– اميل للحاجة اللي بحبها حتي ولو بتضرني سواء كانت اكل الشارع او علاقة “اسمها حب” لكني بتستنفذني نفسيا او اتمسك بناس عارف انهم بيستغلوني
ولا اعمل الحاجة المتعبة ولكن هاتفدني سواء كانت تنظيم اكل ومواعيده او اسيب اللي بيستنفذني او بيستغلني حتي ولو هابقي “وحيد” شوية
احنا اتربينا علي ثقافة بتخلي اي موقف هاتفكر فيه يحطك تحت ضغط…انت هتاخد قرار هايتنبي عليه حاجات…هاتشيله قصاده مسؤلية..هاتلتزم مع طرف تاني، و انت مش متعود علي كده …فبتاخد قرار “عقلاني” بسرعة او بتاخده علي صدرك وبتخش في الموضوع بحب من غير اي تفكير..فبتلبس في الحيط في الحالتين
طيب وبعدين…ما انا برضه لازم افكر علشان اريح ضميري، حاجة كده زي فكرة انك بتعمل دايت فتطلب بيتزا سوبر سوبريم ومعاها سفن دايت
فيتجي في الحالات التافهه وتقعد تفكر وتحسبها
انا امبارح اكلت كذا، فعايز اغير النهاردة..طيب ايه اقرب مطلعم هايجيب بسرعة…فين المنيو بتاع كل مطعم..مين اكل من اي مطعم من دول قبل كده ورأيه ايه في الاكل، عاير نختار حاجة صح ومنلبسش بقي
 
سيث جودن قال ان الموضوع لو مفيش فيه معلومات كافية تخليك تاخد قرار مبني علي تفكير عقلاني وتاخد فيه وقتك وتقدر ترد علي انتقادات القرار ده..يبقي قضي حياتك كلها اختيارات
رتب الجامعات اللي ممكن تدخلها ترتيب ابجدي،
احضر اي محاضرة واللي يعجبك كلامه روح اسأله ايه احسن مجال اشتغله
او شوف اكثر حد عنده followers علي الـ Social Media واشتغل في نفس الحاجة اللي بيشتغل فيها
 
كن أي شيء، ولكن كن صادقاً مع نفسك للنهاية
 
 
 
انتقل إلى أعلى