تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

الرجالة في الهدايا ٤ أنواع

١-نوع جلنف مبيجبش هدايا خالص وشايف كل المناسبات يا تفاهة يا بدعة لو تدين فجأة عشان يهرب من الهدية ، أو هيديكي محاضرات في تسليع المرأة وإنه ضد الهدايا الحلوه لأنها بتسلع المرأة والحرية تبدأ من كرسي خشب في وسط البلد وإن أي بنت بتحب الهدايا مادية ووحشة لو هيأكتف الفيمنست موود مؤقتا بس في الحتة دي ولو محدود الذكاء ومش عارف يبقي علماني ولا سلفي هيحط أي شوية مبررات في طبق أو كيس بقي
٢- نوع عبدالمعبود.. يعني كريم جدا ومعندوش مانع فعلا يجيب هدايا بس لازم هي تقوله بنفسها جبلي هدية كذا عشان دي الحاجة اللي بتحبها أو محتاجاها، لونها كذا ولفها في ورقة لونها فحلقي عشان ده لوني المفضل وقدمهالي الساعة ١٢ بالظبط بمناسبة كذا وده راجل جميل فعلا ومطيع وطيب بس معندوش عنصر الإهتمام بالتفاصيل ولا المفاجأة خالص.
٣- النوع التالت ده بقي بيهتم بالتفاصيل .. وبس! يعني بيجيب ورق الهدايا الفحلقي اللي بتحبيه وبيلفه اللفة اللي بتبهرك وبيخلي الراجل يرشله عليه برفيوم وجليتر من بره كمان وبيفاجئك .. بس العلبة مبيبقاش جواها هدية حلوة أو قيمة أو أنتي بتحبيها ومحتاجها فعلا غالبا بتبقي حاجة غارقة في الرمزية والعمق والرمزية حلوة مفيش كلام بس مش طول الوقت والبني آدم ضعيف وعنده احتياجات ?
٤- النوع الرابع .. هاح
بيعرف يختار هدية حلوة أنتي محتاجاها فعلا أو بتحبيها وقيمة هتعيش معاكي طول العمر ودي منتهي الرمزية الحقيقية إنك كل ما تستعمليها هتفتكريه فعلا، وبيلفها في الورق الفحلقي اللي بتحبيه وبيحط عليها جليتر وبيرضي الجانب التافه اللي جواكي وبيجيب معاها بالونات عشان بيحب هبلك وشوكولاته عشان يأكدلك علي نقطة إن جسمك حلو في جميع حالاته وبيحبك بعضمك بدهونك وبيفاجئك بمعاد وطريقة تقديمها وهاهاهاهاها ايه ده أنتي صدقتي !

الرجالة في الهدايا ٤ أنواع ١-نوع جلنف مبيجبش هدايا خالص وشايف كل المناسبات يا تفاهة يا بدعة لو تدين فجأة عشان يهرب من…

Posted by Jihad Eltabey on Thursday, December 14, 2017

انتقل إلى أعلى