مدونة أسود و أبيض

تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

الروحانية والمادية وعبادة الأوثان

بسبب الحالة الصحية ببعد قدر الإمكان عن أي نقاشات عامة، بس انتشار صورة #الكعبة بعد كشف كسوتها تحت شعار “الرياح تكشف لنا عن الجمال الحقيقي” شيء مستفز..

الكعبة ما هي إلا مكعب من الحجارة لا تضر ولا تنفع، حجارة بشرية بناها البشر اتهدمت واتبنت عدة مرات في حروب المسلمين ضد البعض..

الكعبة ما هي إلا رمز، والحج نفسه عبادة رمزية..

الحج موجود في كل الثقافات والمِلل، رحلة روحانية بتترك فيها الدنيا كلها ورا ضهرك، مش بتاخد موبايلك وتتصور سيلفي وتفضل فاتح شات ونت..

رحلة بيتساوي فيها جميع البشر، مش شكل طبقي متقسم درحات زي الحالي الناس فيها حسب فلوسها بتسكن وتاكل وتحجز لنفسها مكان قرب الكعبة..
ويتمنع ناس لأسباب سياسية زي القطريين والشيعة وبعض السعوديين..

بترجم فيها الشيطان (الشر جواك) في رمي الجمرات بهدوء وسكينة وتدبّر، مش بترجم كائن مادي فنلاقي ناس بتتدافع وتموت بعض وتحدف طوب كأنها في خناقة..

الناس اللي نفسها تروح الكعبة وتعيّط لله وتشتاق مكة، الله مش في مكة والكعبة، الله في قلبك ووجدانك في كل لحظة وكل مكان، مش محتاج تروحله منطقة بعينها ولا تستناه وقت معين..

المادية بقت مسيطرة علي وعي المؤمنين وانتفت الروحانية والمعني الحقيقي، لحد ما وصلنا للحال اللي بقينا فيه، أكثر من مليار شخص بيصلوا ويصوموا ومعظمهم بيحج، وبيقتلوا ويتحرشوا ويسرقوا ويظلموا بعض..

“يسيرون في طريق إبليس، معتقدين أنهم علي طريق الله”

#العبث_المقدس #تدبّروا

بسبب الحالة الصحية ببعد قدر الإمكان عن أي نقاشات عامة، بس انتشار صورة #الكعبة بعد كشف كسوتها تحت شعار "الرياح تكشف لنا…

Posted by Ahmed Hasanien on Monday, August 20, 2018

انتقل إلى أعلى