تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

الشخص المكتئب مهما قال انا مبسوط لوحدي

لما تحس ان في حد عزيز عليك بيمر بحالة ‘اكتئاب’..بدون مناسبة خليك جمبه..حتي لو غصب عنه..اياك تبعد عنه تحت اي ظرف..لية..؟

الشخص المكتئب مهما قال انا مبسوط لوحدي..’بيكذب’..مهما قال انا مش محتاج حد ‘بيكذب’..المهم مع اول مرحلة في الخروج من الأكتئاب..بيبدء غصب عنه في فترة ‘اعادة الحسابات’..دي مرحلة الكل فيها بيتساوي عنده..حرفيآ الكل..بداية من امه..لحد اخر واحد اتعرف علية ..بيعتكف عن الحياة..بيغير جو..بيتمشي لوحده..بيعمل كل حاجة لوحده.. ثم..بيبدء عقله بشكل لا ارادي يحكم قبضته علي مشاعره..بيعيد نظرته في كل شخص..بيعيد نظرته في كل علاقاته..المرحلة دي هي نقطة تحول في حياته..ونقطة مصيرية في كل علاقاته..الوجع مستحيل يمر بسلام ابدآ..وقتها بيبعد عن اي حد اتسبب في الوجع او الأكتئاب..علشان اكون دقيق في اللفظ..هو ‘بيكرها’ اي شخص اتسبب في حالته دي..*بالمناسبة محدش يقول اللي بيحب مبيكرهش..لا يا حبيبي دي نفس وطبيعة بشرية احنا بس اللي عاطفيين زيادة.. دي معادلة ثابته من بداية خلق ادم..اللي اتسبب ليك في وجع..هتكرهوا..هتكرهوا حتي لو كنت بتعبده..لو ربنا خلق حواء من ضلع ادم وهو صاحي..كان ادم قتلها..قتلها فعلآ..العلاقة الوحيدة اللي بتبدء بوجع وحب في نفس الوقت..هي لحظة ولادة امك ليك..غير كدة لا..حتي ابوك لو وجعك ممكن تكرهو..لكن امك صعب والعكس..المهم ان الشخص دا بيبدء ينضف اللي حوالية..اللي قدم له ايده علشان يساعده مش بينسي ابدآ ويبدء يقرب منه اكتر ودايمآ بيحس انه مديون للانسان اللي حاول يساعده بعمره..وهنا تبدء علاقة ابدية..اما الشخص اللي وقف يتفرج..فا بيتحول من معرفة او صديق ل ‘غريب’ اي كان نوع العلاقة قبل ما يوصل للأكتئاب..هيبعد عنك ويكرهك لانك كنت شايفة بيغرق ومساعدتهوش ولو بكلمة..خلي بالكم..لو باقيين علي حد وشايفينه في اكتئاب..قربو منة..قربو حتي لو رفض دا..هيقدر بعدين..فهمتوا.

 https://www.facebook.com/M.Tarek09/posts/383177652057520
انتقل إلى أعلى