تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

إبداء الصدقات وصدقة العلانية

إبداء الصدقات وصدقة العلانية الي ربنا عز وجل اتكلم عنهم معناها إنك تكون قدوة في صدقاتك وخيرك والناس تتعلم منك مع وجود صدقات وأعمال خفية لك. مش معناها أبدا أبدا إنك تتخفى وتفضح المحتاج وتهتك سره وتفضح عياله . يا جماعة بلاش شير للبرنامج ده والي زيه فكروا في ستر الناس وزوجاتهم وعيالهم. الناس في أول خناقة بيتعايروا وبيتجرحوا وعيالهم بيتهانوا وجوازات عيالهم بتبوظ . من قريب حالة كانت بتتصل بالكول سنتر بتاع مرسال تسجل بياناتها واحنا حتى مبنسجلش صوتهم وابنها جنبها عمال يقولها اوعي يصوروكي ! وحالات كتير بتبقى مستعدة تخاطر بين موت ازواجها وعيالها بس منسالش الجيران لولا إننا بنفضل نحلف وناكد إننا مبنسالش حد ولا بنصور حالات ولا بنطلع بياناتهم ابدا. يا جماعة اتقوا الله في الناس وبلا برامج هادفة بلا زفت…ما الي عايز يساعد يخبي الشخص الي بيتساعد مش يستخبى هو !

إبداء الصدقات وصدقة العلانية الي ربنا عز وجل اتكلم عنهم معناها إنك تكون قدوة في صدقاتك وخيرك والناس تتعلم منك مع وجود…

Posted by Heba Rashed on Thursday, June 7, 2018

انتقل إلى أعلى