تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

الضابط قالي إنتا كويس

كان عندي سفر لإسكتلندا ويوم فيها كان فاضي، فقررت أطلع جبل صغير في أدنبرة في اليوم ده.

الجبل كان أخضر وبعد ما طلعت مسافة قررت أمدد على الخضرة شوية ونمت.

صحيت على ضابط وضابطة شرطة شكلهم مرعب، قلت بس… أنا رحت في أبو حديد، أنا معرفش عملت إيه غلط بس كنت مستعد أعترف بأي حاجة، وقلت يمكن النوم على الخضرة يوم الأحد ما بين 1 و 5 ممنوع عندهم ولا حاجة.

الضابط قالي إنتا كويس؟ أصلنا شفناك من تحت بالمنظار المقرب وبقالك فترة مش بتتحرك وخفنا يكون حصلك حاجة وكنا بنتطمن عليك!

# رجلك أبوسها ياسيات الضابط
#دي نمرة حرامي العربيات كلمه وتفاوض معاه
#لو الكشك مضايقك هات 500 جنيه نطلع بالبوكس نعمله نمرة
#فاكر نفسك في أوروبا ياروح أمك

 https://www.facebook.com/ahmed.rahmy.90/posts/10152235346735883
انتقل إلى أعلى