تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

العقاب مش معناه اني امنع عنك

امبارح ابني ١٨ سنه تجاوز في الرد عليا وانا وبخته وقلتله انا مش حكلمك….النهارده وانا بجيبهم من المدرسه سألني الغدا ايه قلتله مكرونه وفراخ بانيه رد وقالي وده بقي عقاب عشان امبارح ? المهم قلتله لا عشان كان عندي شغل كتير الصبح وبالمناسبة انت كنت طلبت مني CD للبلايستيشن ممكن اجيبهولك النهارده لان معايا فلوس، بصلي مندهش وقالي هو انتي ازاي كده؟؟ يعني امبارح كنت مش مؤدب معاكي والنهارده تجيبيلي حاجه انا طالبها ازاي كده مش لازم تعاقبيني وخصوصا اني عارف اني غلطان؟؟ قلتله بدون ما ابصله ما انا معاقباك فعلا انا ما بكلمكش وزعلانه منك ؛ العقاب مش معناه اني امنع عنك المصروف او اي حاجه انت عايزها كتمن للأدب مع أمك او لتحمل المسئوليه ، كده ابقي بربي “منافق” “جبان” حيبقي مؤدب فقط من اجل الي حيكسبه وانا عايزه إربي “راجل” جدع ومش جبان ممكن يغلط عادي كلنا بنغلط بس المهم انه يعرف غلطته وما يكررهاش بأقتناع وحب ، راجل يتحمل مسئوليته بشجاعه ؛ الفلوس والطلبات دي مسئوليتي وواجبي بعملها وحفضل اعملها ومن ضمن مسئولياتي انك تجاوزت معايا امبارح فمؤكد انا قصرت في تربيتك واكيد لازم اتدارك ده……فضل ساكت لحد ما وصلنا البيت وقالي ماتزعليش مني ياماما ونزل بسرعه ودخل البيت

https://www.facebook.com/sahhharrrasssemmmmess/posts/10155930698323653

انتقل إلى أعلى