تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

الكورس اونلاين ولا اوفلاين

هو: انت بتفضل اكتر الكورس يكون اون لاين و self study يعني ولا مكان بقي ونحضر وبتاع؟

انا: طيب موضوع دراسة اي حاجة فيها عاملين:
العامل الاول “ودا الاهم” هو مدي الاستفادة “سواء كمنهج” او “كـ Instructor” ..فانا بقيم الموضوعين سواء الاونلاين او اني احضر في مكان ..بشوف الـ Outline وبشوف مين اللي بيدي الموضوع وخبرته ايه …وحتي لو هاختار مكان بشوف انهي مكان افضل من حيث العاملين دول وبشوف انهي منهم هايبقي افيد وبختاره.
العامل التاني “ودا للاسف اصبح مقياس مهم بسبب عادات وطرق اتربينا بيها” ..هو فكرة انهي هايبقي فيه عامل محفز بالنسبالي اني اكمل فيه
فنظريا” الاونلاين افضل بكتيييير جدا …سواء من حيث المنهج او المدربين اللي بيدرسوا الموضوع ..لكن للاسف مش كل الناس بتكمل فيه …لانهم بيزهقو/بيملوا بسرعة…فـ “باستثناء” انهم يبقوا شغالين في مكان و وراهم حاجات معينة محتاجين يدرسوا حاجات ليها ويطبقوها مش بيكملوا..فبيبقي الاختيار التاني “اني اروح احضر في مكان” افيدلهم..لانهم بيلتزموا بدفع فلوس وحضور مع اشخاص ودي الحاجات اللي هما اتعودوا عليها فبيقدروا يعملوها.
بعض الناس بيدمجوا الطرقتين بانهم بيتفقوا مع بعض انهم يذاكروا كـ Group وبيحددوا معاد معين وبيذاكروا فيه…واخيرا انك تبقي بتحب حاجة جدا ومش مستني منها شغل/فلوس فبتبقي مش مستعجل علي النتائج فبتكمل فيها بس لوقت اطول شوية لكن نتائجها بتكون رائع

انتقل إلى أعلى