تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

الناس الوسخة الي كانوا بيلعبوها بمعلمة

في اواخر التسعينات كان ثمن علبة السجاير كليوباترا (كينج سايز ) 150 قرش
وكانت هي السيجارة الشعبية رقم 1 عند اغلبية الشعب المصري
والدولة كانت بتتعامل مع السجاير كسلعة استراتيجية المساس بها ﻻزم يكون بحساب
في الوقت دة قررت الدولة انها تزود سعر العلبة من 150 الى 160 قرش يعني بالبلدي مجرد بريزة
ورغم تفاهة المبلغ اﻻ ان الدولة كان عندها خطة ﻻمتصاص عملية الزيادة في السعر 
اﻻول منعوا نزول السيجارة للسوق ونزل مكانها سيجارة بحجم اصغر (كليوباترا ريجوﻻر سايز ) بنفس السعر 150 قرش
وبعدين اشاعات ملت البلد ان السيجارة الريجوﻻر دي اسرائيلي وانها مسرطنة وبتضعف القدرة الجنسية وبتجيب عقم ?
فطبعا الناس ساعتها كانوا خرمانين بس خايفين على صحتهم الانجابية وقدراهم الجنسية (كله اﻻ دي ) ?
فطبعا ابتدوا يتعاملوا مع السيجارة دي بحذر شديد واتجه من استطاع للسيجارة ال l&m الي كانت ب 280 قرش للعلبة وقتها
اما من لم يستطع فكان في حيرة من امره لغاية ما طرحوا علبة سجاير جديدة في السوق اسمها توشكى وكانت علبة 10 سجاير فقط ب 85 قرش يعني الي متعود يشرب 20 سيجارة في اليوم بيشتري علبتين توشكى ب170 قرش ويقول مش مهم الريال الزيادة بس نبعد عن السيجارة اﻻسرائيلي دي ?
وهنا رجعت تاني العلبة الكليوباترا الكينج سايز في ثوبها الجديد 20 سيجارة بس 160 قرش
وﻻقت حفاوة ما بعدها حفاوة وبدأت السيجارة الريجوﻻر والتوشكى في اﻻختفاء بعد ما قاموا بدورهم على اكمل وجه والزيادة مرت على الشعب بسعادة
الله يرحم ايام الناس الوسخة الي كانوا بيلعبوها بمعلمة

https://www.facebook.com/True.History.of.Egypt/photos/a.1436874433227360.1073741826.1436571759924294/2081736418741155/?type=3&theater

انتقل إلى أعلى