مدونة أسود و أبيض

تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

ال Replay Attacks فى الحياة الواقعية

ال Replay Attacks فى الحياة الواقعية. لو حابب تعرف بشكل تقنى يعنى ايه “هجوم الاعادة” او Replay Attack دا هجوم *بغض النظر عن مكان استخدامه لأن اماكن استخدامة عديدة* بيتلخص فى اعادة ما تم تسجيله سواء حزم Packets سوا فى مجال الشبكات او مجالات مماثلة او اشارات Signals فى مجال ال Software Defined Radio او مجالات مماثلة، الخ…، اللى حابب اتكلم عنه النهارده فى البوست الصغير دا وعلشان تفهم الهجوم دا بشكل اعم واشمل تقدر تدخل على المقال دا وتقراه: http://bit.ly/2XfXZSk والمقال دا بردو: http://bit.ly/2XhWTpd، المقالين دول كافيين انك تاخد فكرة عامة عن انا بتكلم ف ايه بالظبط، حاجه لطيفة عملتها بكل تلقائية، قطتى ليها ابن لطيف مخلفاه مؤخراً، القطة دخلت الاوضة اللى انا قاعد فيها واللى سمعته انها كانت بتنده على ابنها وفى بقها تقريباً اكل جايباهوله *قبل ما نكمل وحد يقوم جايبلى قطته الشيراز اللى بتنام معاه فى اوضة نومة ومبتخرجش من البيت ومؤدبه وكدا، اه قطتى بلدى جدا من النوع اللى بيخرج الشارع ويرجع بكل ما لذ وطاب ههههه* نكمل، القطة فضلت تنده على ابنها بشكل غريب اللى هوا جايبالك اكل، انا بسرعة جدا وبكل تلقائية قمت مسجل صوتها وهيا بتنده عليه لأنه بمجرد ما هى فضلت تندة اول شئ جه فى بال ال Replay Attacks وقولت لنفسى لو انا سجلت الصوت دا وقمت عامله اعادة تشغيل هل مثلا ابنها هييجى حتى لو هيا مش موجوده؟

التجربة نفسها كانت تستحق عناء كتابة البوست الحقيقه واليكم النتيجة، القطه الصغيره اكلت بقى ونامت واليوم مر عادى جدا، تانى يوم الصبح القطة الام مشيت وخرجت الشارع كالعادة، قمت ماسك التليفون اللى سجلت بيه الصوت وقمت مشغل الصوت على اعلى مستوى، لقيت القط الصفير الحقيقة جه بيجرى جدا لدرجة انه من الجرى فضل يخبط فى الكراسى واى شئ بيعترض طريقة فى محاولة منه لتلبية صوت امه وحاجة من حاجات اى كائن حى اساسية وهى الجوع، وبكدا الصوت اللى اتسجل دا هوا عباره عن ال signal او ال packet اللى تم التقاطها (فى حالة لو قريت اللينكين اللى فاتوا)، واعادة تشغيل الصوت دا كان بمثابة مثال من الحياه الواقعية على ال Replay attacks وبكدا اصبح الصوت دا بيمثلة “امة” + “الاكل” = حان الان فترة الغذاء، تخيلوا لو الصوت نفسه مشفر او داخل كل نغمة من نغماتة شفره معينه ميفهمهاش غير طفلها ياترى ال replay attack دا كان هينجح؟ اجابة السؤال دا هسيبهالكم فى مصطلح اسمه: Key rolling jamming ودا اللى حصل مع كتير من العربيات الحديثة اللى تم اختراقها وسرقتها بنفس الاسلوب حرفياً، حاول بردو تقرأ المقال دا http://bit.ly/2IzCqIk، ولو حابب تنتاقش فى الموضوع بشكل عام ياريت يبقى فى الكومنتس.

دمتم بود!

ال Replay Attacks فى الحياة الواقعية. لو حابب تعرف بشكل تقنى يعنى ايه "هجوم الاعادة" او Replay Attack دا هجوم *بغض النظر…

Posted by Mohamed A. Baset on Wednesday, April 17, 2019

انتقل إلى أعلى