تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

انا عايز “اتعلم” فى اى شركة حتى ولو ببلاش؟


اجابة لسؤال: انا عايز “اتعلم” فى اى شركة حتى ولو ببلاش؟
فى الاغلب مش هتلاقى حد “يعلمك| حتى لو انت اتديهم فلوس.. الشركات ممكن تديك الخبرة ببلاش
طيب ايه الفرق بين انى اتعلم وانى اخد خيرة؟
المفرض ان الدراسة بتقولك المصطلحات وبتقولك التعريفات بس مش بتعلمك امتى تستخدم X وامتى تستخدم Y
فكرة انك عايز تتعلم معناها انك فاهم المصطلحات اللى بتتقال فى المجال
بس مش عارف انهى اللى بيستخدم فى حالة رقم 1 وانهى بيستخدم فى الحالة رقم 2
لو اخدنا الـ Social Media كمثال
انت المفروض تبقى عارف الـ Social Media مكانها فين من الـ Marketing
ايه الفرق بين الـ SEO و الـ Social Media وباقى طرق الـ Promotion؟
عارف يعنى ايه CPC & CPM & CTR & Reach & Impression & Frequency؟
عارف يعنى ايه Hashtag وايه الفايدة منه؟
تكن فاهم ايه الخصائص اللى موجودة فى الادوات اللى بتستخدمها اثناء شغلك زى
Monitoring Publishing, Schedule, Analysis & Reporting
والادوات زى Hootsuite & RSS ؟
عارف ان اهداف كل بيزنس بتختلف من شركة للتانية.. وممكن الشركة الواحدة تختلف من توقيت لتوقيت؟
عارف ان الاهداف ممكن تبقى Traffic OR Registration OR Leads او اهداف تانية؟

كل اللى فات دا معلومات موجودة اولاين .. حتى الادوات فى منها ادوات كتييير مجانية .. او حتى ممك تستخدم فترة ببلاش علشان تجربها …
دا كله يسمى علم.. فكدا انت عارف
لكن معندكش خبرة استخدامه امتى.. ودا اللى بيسمى خبرة .. امتى تستخدم حاجة .. وامتى توظف حاجة تانية فى شغلك .. وايه الوراد المتاحة ليك بحيث فى الاخر تحقق اعلى ROI ممكن توصله؟

سؤال تانى: فى بعض الناس بتقول انى لازم ابقى دارس Strategy وابقى اعرف اعمل خطة استراتيجية؟
وجهة نظرى: لا مش لازم .. انت لازم تبقى عارف المعلومة هى ايه ..يعنى ايه خطة استراتيجية بس مش لازم تبقى بتعرف تنفذها كلها… مثلا:
لوالوظيفة اللى انت رايحها طالبة حد حديث التخرج او بخبرة قليلة.. فدا اكيد معملش استراتيجيات لشركات قبل كده .. لكن ممكن يكون طبق الموضوع بشكل مبسط فى جمعية خيرية او نشاط طلابى .. فدا يبقى ميزة اضافية ليه

طيب لو الشركة هاتجيب حد جديد فى الموضوع وتقوله اعمل خطة و استراتيجية نمشى عليها..بيبقى قصدهم ايه؟
فى الاغلب بيببقى عايز يشوف طريقة تفكيرك وممكن يستفيد بافكارك لانك شايف الموضوع من بره الشركة
لكن الشركة “بنسببة كبيرة” مش ببطببق استراتيجيتك لانك متعرفش اهداف الشركة بشكل كبير .. ولا عارف كل الموراد المتوفرة للشركة ايه ..فانت افكارك ممكن تبقى رائعة.. بس الشركة معندهاش امكانية تنفيذها .. لان لو عندها هاتجيب حد Consultant علشان يعملها الموضوع ده

طيب الناس اللى ببتقولل انى لازم اعمل خطة استراتيجية.. لازم..لازم..لازم؟
المفروض ان الكلام ده بيبقى موجه للناس اللى “شغالة” فى المجال بقالها فترة مش لشخص لسه بيبدأ المجال.. بس هو مش قاصد يوجّه ليك او مش فاهم كويس هو بيوزع المحتوى اللى بيكتبه ازاى و لمين

اخيرا: ممكن تطلب من الناس اللى بتقولك انك لازم تعمل الحاجات دى يعرضوا عليك الحاجات اللى هما عملوها اول ما اتدوا المجال .. اول ما ابتدوا مش دلوقتى.

لو قالك بيقولوا كده .. قوله طيب هما مقالوليش ليه على طول.. ليه قالولك “انت”علشان تقولى 🙂

فى ناس ممكن تتكلم عن حاجات وتقولك المصدر علشان تقدر ترجع للموضوع تشوف الفكرة اللى فيها وتستفاد فعلا منها… وفى ناس بتعتبر نفسها “مؤسسين” العلم لانه صحى بدرى شوية وكان اول حد يتكلم فيه.. على الرغم من ان اى حد هايرجع للمصدر هايتأكد انهم عندهم غلطات كتييير فى “نقل العلم” .. بس لاننا عندنا ثقافة الكلمات المتقاطعة .. واى حد بيقول كلمتين شكلهم “عميق” وتحس ان فيهم “وجع” اغلب الناس بتقول عليهم “مثقفين”..
الناس دول ممكن تقولهم بكرة هاصحى بدرى وهاسبقكوا .

بعيدا عن سياق الاسئلة:

القوة فى عمق الفكرة بمعنى المعنى , و معنى العزم
مخترعتش رابكوا و لا دافنشى اخترع الرسم

بتهتفولي وتهتفوله علي الي يقوله انتبه لفرق العمق والافكار فأحس بغيظ طفولي

لو ده تراك , و دول تراكات , يبقى انت بتشبهنى بدول
#الجوكر

انتقل إلى أعلى