تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

انت شخص مادي

انت شخص مادي …

و من عجائب مجتمعنا ان كلمة مادي لما تطلق علي شخص ده يعتبر ذم ، لكن الحقيقة هو مدح و اعتراف بالنجاح ، لما تتعامل مع اجانب هتلاقي انهم ماديين بنسبة كبيرة و ده سبب من اهم أسباب نجاحهم ، لكن من أسباب تأخرنا اننا مش ماديين .

الشخص المادي ، إنسان نجح انه يحول اي فكرة او موهبة او معلومة او شغف او علاقة لمكسب حقيقي و يقدر يحقق منها profit و عائد ، يعني عقلة بقي يملك القدرة انه يعمل معالجة ” processing ” لأي مدخلات input و يحولها لقيمة تقدر انها تحقق income كويس ، و دي درجة نتمني ان كل الناس توصلها لانها طريقة تفكير متقدمة .

في مجتمعاتنا الناس لِسَّه مش عارفه هي عايزة آيه او آيه مهارتها او مميزاتها و لو ربنا كرمها و عرفت بتبقي مش عارفه دي هنستخدمها ازاي و نحولها لمكسب ازاي و ازاي أسوقها و تكون مصدر دخل ليا و مكسب حقيقي و نجاح ، و ده لان عقولهم للأسف مش مادية ، و علشان كده اي شخص مادي بالنسبة ليهم غريب عنهم ، و العجيب بقي ان اي شخص بيوصفوه انه مادي في الغالب بيكون ناجح و سابق عنهم ?

فرق ما بين الصفات ، في فرق ما بين انك مادي و انك طماع او جشع او اناني او ندل ، انك مادي دي قيمة عملية كبيرة إنما الصفات السلبية كلنا بنتفق انه مذمومة .. فرق ما بينهم .

خليك مادي و يارب اشوفكم كلكم ماديين

انت شخص مادي … و من عجائب مجتمعنا ان كلمة مادي لما تطلق علي شخص ده يعتبر ذم ، لكن الحقيقة هو مدح و اعتراف بالنجاح ،…

Posted by Sherif Saied on Friday, October 20, 2017

انتقل إلى أعلى