تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

ايه اللي بيجمَّع المصريين؟

ايه اللي بيجمَّع المصريين؟

اللي بيجمع المصريين ماتش كورة .. أرابس جوت تالنت .. ذا فويس .. أراب أيدول .. و ما شابه

السؤال اللي بيطرح بلح: هل دا معناه ان المصريين تافهين؟
الاجابة: لا .. المصريين غلابة و بيدوروا على أي قصة نجاح .. خرمانين نجاح .. و يا حبذا لو نجاح سريع و ماياخدش أكتر من ساعتين الا ربع بالهاف تايم .. خرمانين بطولة .. حتى لو البطل قصير و بيتهته و عنده لدغة في الألف و اللام .. ال ال ال ال .. خرمانين نصر حتى لو المنتصر مُغنّي .. غلابة و الله .. آخر فرحة نجاح دخلت قلوبهم بقالها داخل على نص قرن ..

هنيالو اللي يقدر يعمل قصة نجاح حقيقية في مصر .. حيجمع وراه كل الأطياف .. اللي مستني نجاح حقيقي و اللي راضي بنجاح وهمي ..

ايه اللي بيجمَّع المصريين؟-اللي بيجمع المصريين ماتش كورة .. أرابس جوت تالنت .. ذا فويس .. أراب أيدول .. و ما…

Posted by Mohammad Youssef Omara on Tuesday, April 18, 2017

انتقل إلى أعلى