تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

بطلوا تنبهروا بناس ملهاش لازمة

كل يوم السوشيال ميديا بتنتج مزيد من الحمقى ومدعي العلم والهرايين والزياطيين ومشاهير الأونطة ومشاهير اللينكات والبوستات المسروقة والممحونين والممحونات والدعاة الكيوت والبنات السخيفة والجهابزة اللي بيعلقوا على كل شيء والمحللين السياسيين وأصحاب الفيديوهات المسببة للجلطات واللي شعارهم في الحياة “بَلْ وَجَدْنَا آبَاءَنَا كَذَٰلِكَ يَفْعَلُونَ”!
رُحماك يارب بمرارتنا وعقولنا!

 

بطلوا تنبهروا بناس ملهاش لازمة ابوس ايديكم .. وحتى لو ليهم لازمة متنبهروش بيهم بردو لأن محدش فى الدنيا دى ملاك وكلنا بنغلط ..
وبالنسبة لمشاهير الفيس بوك سواء فى اى حاجة اوعى تثق فيهم لمجرد انهم بيكتبوا بوست عاجبك او انهم بيجيبوا لايكات كتير على اى حاجة بيكتبوها ولا يقولوها ..
شغلوا دماغكم وفكروا قبل ما تتابعوا او تتبعوا اى حد عشان متلبسوش فى حيطة سد ..

‫#‏أفلا_يتفكرون‬

الShow والاعمال التطوعية
الEvents وحُب الظهور وال Brand
تحولت ساحة التطوع وحب الخير لمجرد عرض العضلات
انا معايا لينكات اكتر منك وانا حضرت ايفنتات اكتر وانا طلعت اسبيكر ف اكتر من مكان وانا سافرت وانا اتنيلت وانا اونا وانا
(الا ما رحم ربى )
المشكلة الموضوع ده كله ان الشباب اللى نفسه يغير ويتغير فعلا ويعمل حاجة بيتضحك عليه بشوية ناس عايزين شُهرة وخلاص والأسوأ من ده كله لما يدخل المجتمع ده ويكتشف ان كل الابطال وكل القدوات اللى شايفهم ونفسه يبقى زيهم طلعو ابطال من هيليوم مش اكتر
أنا مقولتش متعملش الخير وخليك زيرو للناس لا علم واتعلم بس بلاش براند لنفسك وانت زيرو من وراه ولو حد سألك سؤال اجابته هتكون بص العصفورة اهى …..
اللى هيعملك قيمة ويخليك قدوة وهيعملك براند فعلا علمك محدش هيحترمك الا لما تكون متمكن ف مجالك ..
أتقو الله فيما أستأمنكم عليه وكن ‫#‏صاحب_علم‬ و#علم_عشرة
كلامى غير مقصود بأحد

منقول من رسالة علي جروب معا

انتقل إلى أعلى