تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

بين بدايه الارتباط وبدايه الملل

هي ايه الحلقه المفقوده في البرزخ بين بدايه الارتباط وبدايه الملل؟

قصص الارتباط الوردية اللي بتفشل بعد مرور وقت قصير اقل من سقف توقعات استمرارها… ايه بيحصل؟

هل بقي في خلط بين بديهيات صفات الاعجاب المبدأي وصفات اللي تصلح للعشره الطويله؟
انا ممكن اتفهم انك تعجب بواحده عشان شكلها حلو.. Stylish، مثقفه.. ، انما هل دي صفه تدي صك صلاحيه بارتباط يغطي المعني السماوي بتاع “لتسكنوا اليها” ؟

الارضيه المشتركه اللي نبدأ منها كلام.. ويوم مانختلف نعرف نرجعلها وتحكم بينا.. مرجعيه للاهل.؟ للعرف؟ للدين؟

هانسيب ايه قصاد ايه
انا هتخلي عن ايه من ثوابتي، قصاد حاجه تتخلي عنها؟. . عشان نعرف نتقابل ف مسافه متساوية متخليش في فجوه من التحفز المتبادل وال “أنا” اللي فيها كبرياء هيزيد مع الوقت …
الكبر مغناطيس اقطابه متنافره، الاسم قريبين وفي نفس المجال ظاهريا.. بس ماشيين عكس بعض

افهموا بعض.. متستعجلوش
الانبهار بيروح.. وحلاوه البدايات بتزول
وبتفضل بديهيات العشره.. الصفات اللي تنفع تسند وتعين

قرار القبول والارتياح سهل
قرار الاستمرار عايز مجهود

المساحات والتفاهم والاتفاق.. بيانات لازم تملاها قبل ما تدي عهد “يلا نكمل ”

هي ايه الحلقه المفقوده في البرزخ بين بدايه الارتباط وبدايه الملل؟ قصص الارتباط الوردية اللي بتفشل بعد مرور وقت قصير…

Posted by Wesam Fawzy on Friday, May 13, 2016

انتقل إلى أعلى