مدونة أسود و أبيض

تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

تعريف الجاهل

تعريف الجاهل هو اللي “عنده” مفاهيم متمسك بيها ..بغض النظر المفاهيم دي صح ولا غلط

فمثلا الشخص اللي بيطلق عليه “الأُمِّيُّ” اللي مبيعرفش يقرا ويكتب
الشخص دا اختار انه يبقي في الوضع ده ..
اه في ظروف كتيير كانت بتساعده علي كده .. 
اه مكنش في امكانيات متاحة ليه
بس هو معملش دوره صح .. مطبقش مبدأ السعي
استسلم ان في ناس كتيير بتشفق عليه “بشكل مباشر او غير مباشر
لو ضفنا مدي احتياجه لموضوع القراءة والكتابة هايتضح ان الشخص دا متبني مبدأ واختيار “عدم المعرفة”
زيه زي طالب الثانوية العامة اللي بيزعل علي شوية درجات في مجموعه ..مع انه لو كان بحث كان هيلاقي ان اوائل اخر 5 سنين من الكلية اللي بيحلم يدخلها “تقريبا” بيقعدوا علي نفس القهوة دلوقتي

زي الشخص الموهوب اللي “فعلا” عنده موهبة ..بس مع خبرة او اثنين سيئين مع (انشطة طلابية/جمعيات خيرية/شركات اشتغل فيها في اول حياته) …قدرت الانظمة اللي اشتغل فيها انها تحوله من شخص بيطور ويحسن من المكان ..الي شخص بياكل عيش .. وبقي زيه زي اللي معندوش موهبة في نفس التخصص ..وبقي الكل بياكل عيش

الناس اللي مش بتفكر نفسها باستمرار ان كل اللى بيتقال عليه دلوقتى انه” المفروض” يحصل .. كان اصله فكرة مرفوضة بس النَّاس اتعودت عليها

الناس اللي بترضي بفكرة ان المرة اللي بتبقى وحش فيها مابتعوّضش العشر مرات اللي بتبقي كويس فيهم…. وبتجتهد مع ناس غلط علشان تصلحلهم فكرة مش موجودة اصلا

الناس اللي بتخاف من العيب اكتر من خوفها من الحرام

الناس اللي كل شوية يتحط نقطة و تبدأ من أول السطر .. عشان تكرر نفس الغلط على نظافه

الناس اللي سقفها بقي محدود بإمكانية المسموح..

الناس الـ …

تعريف الجاهل هو اللي "عنده" مفاهيم متمسك بيها ..بغض النظر المفاهيم دي صح ولا غلط فمثلا الشخص اللي بيطلق عليه "…

Posted by Karim Soliman on Monday, August 3, 2015

انتقل إلى أعلى