تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

تقديس المشاعر الأنسانية

مشكله مجتمعنا انه مش بس بيكتفي انه يسجن مشاعرنا و عواطفنا جوا سجن الكبت و الوحده ,, لا ده بيعدمها تحت مسمي الحرام و العيب ! و تلاقي نفسك تدرجيا عايش وسط مجتمع قلوبه بقت حجر و ارواحه بقيت مشوهه , مجتمع عيونه نسيت شكل الحب و فقدت معاير الجمال , مجتمع بيربيك من انت صغير لغايه ما تكبر .. انك ممنوع تحس ! ,,
الطفل الصغير ابو 7 سنين مينفعش يعيط .. عشان العياط مش للرجاله !!
الطفله الصغيره ام 12 سنه مينفعش تتكلم عن الحب .. عشان تبقي مؤدبه !!
الشاب ابو 16 سنه مينفعش يقول لزميلته صباح الخير .. عشان ميتفهمش غلط !!
الشابه ام 18 سنه مينفعش هي اللي تحب لازم هي اللي تتحب .. عشان مترخصش من نفسها !!
الست ام 27 سنه لازم تتلحق تجوز اي حد و خلاص .. عشان متنعسش !!
الراجل ابو 31 سنه مينفعش يساعد مراته في شغل البيت او يغسل مواعين .. عشان ده بيقلل من رجولته !
الحاجه ام 45 سنه مينفعش تطلب من جوزها انه يقرب منها او يهزر معها …. عشان العيال اهم من الحاجات التافهه ديه !!
الحاج ابو 55 سنه مينفعش ياخد مراته و يفسحها زي زمان .. عشان عيب علي سنه !!
و نماذج كتير و كتير .. في بيتنا , في شغلنا , في شارعنا , في حياتنا عموما … نماذج تبيبن لك قد ايه احنا ضحايا مجتمع منزوع العاطفه .. نماذج كلها عطشانه للحب ..
فقدسوا الحب .. تقدسكم الحياه ..

فكرة تقديس المشاعر الأنسانية هي أسمي قيم الحياة .. قدسوا الحب يا أخوانا بعيد عن المحن أو الشهوة أو المصلحة .. قدسوا الحب و متخفوش منه و من توابعه .. قدسوا الحب كقوة قادرة تحقق المستحيل .. أكبروا فيه و اقروا عنه ..عيشوه بخطورته و مغامراته …. قدسوا الحب .. تقدسكم الحياة

https://www.facebook.com/Kirolos.bahgat.creativity/posts/10211015588132049

انتقل إلى أعلى