تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

تلات أنواع من ولاد المقاطعة فرنسا

اليومين دول هتقابل تلات أنواع من ولاد #^#&$

النوع الأول:الناس اللي بيتكلموا عن كون المقاطعة ملهاش لازمة؛
لإنها مش هتضر فرنساودول فضلا عن كونهم جهلة بأثر المقاطعة كسلاح على مر التاريخ .. ف هما بصراحة أغبيا جدا
لإنهم سحلوا نفسهم، وسحلوا الناس في إقتصاد وحوارات ومش عارف ايه، وتجاهلوا الفطرة الإنسانية البديهية بتاعت “ملكش كلام معايا يلا يا ^$# لحد ما تسترجل”

النوع التاني:اللي دايما بيعلوا على الناس … بتوع “طب انت هتمنع حكومتك تشتري منهم سلاح ومش عارف ايه؟” ،
وبتوع “طب انت مسلم بجد؟!” …الخ
دول هتلاقيهم دايما بيعلوا عليك، حتى لو بحاجات برة الموضوع أصلا
وللمرة المليون … ما لا يدرك كله، لا يترك كله
انا ياعم راجل فيا العبر … وتأثيري محدود … بس مش هقدر أسامحك بعد ما نجستلي الكبارية

النوع التالت:يقعد يقولك أصل على فكرة مش عارف مين من كام سنة أهان الرسول،
بس الموضوع متعملش عليه ضجة، ومحدش عرف حاجة
أيوة ياسطى أعملك ايه؟ … انا راجل باخد موقف لما بعرف
هل معنى إن في حاجات معرفهاش إني ماخدش موقف م الحاجات اللي أعرفها ؟!
يقولك أصل دي لعبة سياسة، ومش عارف مين هما اللي ليهم مصلحة في اللي بيحصل
أيوة ياسطى انا مالي … هما بيلعبوا سياسة …
انا والناس اللي في الشارع دول بنلعب “تزعلني .. أزعلك”

المصدر

انتقل إلى أعلى