تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

جواز الصالونات بينجح

94% من ال arranged marriage “جواز الصالونات”بينجح فى العالم كله مقابل الجواز اللى مبنى على الحب بس نسبة نجاحه لاتتعدى ال45% , انت متخيل النسبة المرعبة ديه تقريبا النص ، ياعنى كل 10 فى اصحابك اتجوزوا عن حب بس فى 5 منهم تقريبا هيتطلقوا
طيب ليه ؟
الفكرة كلها فى عقليتك فى فهم احتياجاتك الحقيقيه , وتقديم التفهم على الحب وتقديم التوافق على العشق و تقديم “تقبل الى قدامك” على “طلب الكمال” ,تقديم الصفات ديه بيبقى مريح نفسيا ليك و للطرف التانى و بيبقى واضح انت عايز ايه ومتقبل ايه و ماعندطش مشكله انك تعيش مع بعض عيوب اللى قدامك وعندك سلام نفسى معاها , المشاعر بس خطيرة جدا انك تبنى عليها قرار مين هيكمل معاك اغلب عمرك , لكن لما العقل يخش الموضوع بيبقى اكثر ترتيبا و الحب بيدخل وهو مستقر و مطمن بعد ما يلاقى باب التفاهم اتفتح ,النفس السوية بتميل للى فاهمها و متقبلها و واقف جمبها , النفس تميل للى شبهها , ساعتها بتبدى تفهم ان الصورة الرومانسية اللى موجوده فى الافلام هى صورة درامية اغلب اللى بيمثلوها دخلوا فى 100 علاقة فاشلة , و ان الرومانسية الواقعية هى تفاصيل بسيطة جدا فى علاقة ابوك وامك, ممكن وقت الشاى الى امك بتجيبه قبل مايطلبه ابوك,و صوت ابوك اول ما يخش البيت ينده باسم امك وهو بيدور عليها , الشنطة اللى جابهلها من غير ما تطلب منه عشان بس شافها بتقول الله عليها , معاد الدوا بتاع ابوك اللى امك بس اللى فكراه اكتر منه , تفاصيل بسيطة جدا بس اهم و اعظم من احسن فيلم رومانسى فا اتضح بالتجارب ان الحب المبنى على الادراك هو مش بيروح مع الوقت يمكن شكله بيتيغر من مشاعر و لهفة لسكن و موده لكن مش بيروح ابدا

https://www.facebook.com/Amer151515/posts/10159564812735597

انتقل إلى أعلى