مدونة أسود و أبيض

تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

خلط بين الشغل والـ Passiosn

هو: اعتقد كل ما الانسان بيزداد معرفة وخبرة في مجال معين بيقل عنده حماس ونشاط المبتدئين وده انا جربته..

انا: لا خالص علي فكرة

هو: زمان لما كنت بعرف معلومة جديدة كنت ببقي عامل زاي الكائن الغريب اللي في فيلم سيد الخواتم (لما كان بيبص للخاتم مُزبهل كدا) D:
علطول كنت بشتغل عليها في أي مشروع… إنهاردة بنقرأ كتب كاملة علشان نتعلم منها حاجات مش هتنفعنا في الشغل في مصر اساسا!

انا: انت كده عملت خلط بين الشغل والـ Passiosn
في بعض الاحيان بيبقي الاتنين واحد .. ودي بتبقي حاجة كويسة جدا ..بس طول ما انت قادر تفرق ما بينهم … مش هتواجه مشاكل..هاتبدا تواجه المشاكل اول ما الاتنين يبقوا حاجة واحدة
ممكن يبقي لاعيب كورة ساب الملاعب ..بس لسه بيحب يلعب كورة ..لكن لو بص للموضوع انه مش هياخد فلوس علي لعبه لانه اعتزل.. يبقي انتهي…وفعلا هايوقف يعمل الحاجة اللي بيحبها
فكرة التعلم المفروض حماسك لحاجة بتحبها مبينطفيش..دا اللي اسمه الـ Passion ..الا لو دمجتها في الشغل ..ساعتها لما تزهق من الشغل، هاتقول انك مبقتش تحب الحاجة
ينفع تزهق من الشغل وتسيبه فترة وتروح مكان تاني ..وتسيبه ..وتفضل تجرب وتفشل وتجرب وتتعلم ..بس يبقي الـ Passion لحاجة معينة حاجة مينفعش عوامل تأثر عليها الا لو نسيت انهم حاجتين

شغل و Passion.

شخصيا برتاح جدا لاي قرار بلاقي ناس كتيير “مستقرين في وضعهم” بيعترضوا عليه ..في الاغلب بيطلع صح 

انتقل إلى أعلى