تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

خليك انت الحلو

– صدقوا العلامات ..
– وفروا وقتكم لحاجات اغلي..
– مش لازم تكمل الطريق عشان مشيت نصه.. ابتدي طريق تاني لو مش مرتاح..
– اختاروا الحاجات الي تحزنوا عليها بعنايه..
– اعرفوا الاولويات و ابنو حياتكم عليها
– ادي لنفسك وقت كافي للحزن و اعرف ان لكل حاجه نهايه..
– احضن صحابك كتير
– رتب اولويات علاقاتك بالناس..
– لو هتمشي ف طريق مش ناوي تكمله استمتع بيه..
– كل حاجه وحشه بتعملها هتتردلك.. اعرف حدود استيعابك..
– الدنيا اوده و صاله.. متحورش.
– لو معندكش صحاب تتسند عليهم اعرف ان اولوياتك غلط..
– ربي نفسك بنفسك..
– خليك صاحب جدع .
– متنبهرش.. عدي اسبوعين لو لسه مبهور انبهر..
– اشتري راحه بالك عشان تطول عمرك الافتراضي.
– لو وقعت ف نفس الفخ ٣ مرات متحاولش تغير من نفسك واستسلم لفكره انك حمار.
– تالت مره استمتع بالفخ.
– اتصور وانت بتضحك..
– متستناش الحلو يتردلك .. خليك انت الحلو ..

– صدقوا العلامات ..- وفروا وقتكم لحاجات اغلي..- مش لازم تكمل الطريق عشان مشيت نصه.. ابتدي طريق تاني لو مش مرتاح..-…

Posted by Fayrouz Al-Qutt on Tuesday, August 30, 2016

انتقل إلى أعلى