تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

ربط مفهوم النجاح بالشهرة والانتشار

كنوع من التوثيق، الناس اللي بتربط مفهوم النجاح بالشهرة والانتشار دايما دايما دايما بيبصوا علي “اللقطة الاخيرة المميزة”، مهما كانت اللقطة تافهه او غيرة مهمة او حتي مغلوطة وفيها تفاصيل ومعلومات كتيرة ناقصة…طالما شكلها “هايبقي مميز” ونعرف نتكلم عنها…يبقي هانعظمها ونكبرها و “الجموع” هاتمشي ورانا. كمثال: الموسم الكروي 2018/2019 قدر مدافع فريق ليفربول الانجليزي VIRGIL VAN DIJK انه محدش يعدي منه “ميترقصش” في موقف واحد ضد واحد طوال الموسم، طبعا دي معلومة صحيحة “بشكل عام” لكن ينقصها تفاصيل كثيرة زي انه – دخل كام مرة علي مهاجم في موقف واحد ضد واحد- مدي مهارة المهاجمين اللي دخل عليهم وقدرتهم علي المرواغة – افضلية الفرصة للمهاجم،بمعني هل كان الافضل للمهاجم انه يجرب يعدي فان ديك ولا كان الافضل لفرص الفريق انه يمرر المورة – قوة فريقه في الدفاع وعوامل تانية كثيرة ممكن/يفترض انها تتحسب، انا هنا مش بقلل من ان فان ديك يعتبر حاليا فعلا من افضل مدافعين العالم وانه اخد جائزة افضل مدافع وافضل لاعب في الدوري الانجليزي عن جدارة الموسم اللي فات،لكن انا بتكلم عن العوامل الكثيرة اللي الناس بتنساها وبتخلي لقطة زي اللي حصلت من يومين “بتاريخ الاحد 4/8/2019” في ماتش ليفربول ومانشستر سيتي لما جابريل جيسوس عدي ومرر الكورة من فان ديك لقطة “مهمة جدا يجب توثيقها” ويتكتب عنها اكثر من 84 الف مقال مسجل حتي الان علي جوجل وتعمل خناقات وخلافات بين الناس وانه لا دي متعتبرش ترقيصة وهو مرر الكورة علي طول وصفحات تكتب بوستات وتعمل صور لتوثيق اللحظة التاريخية دي.

كنوع من التوثيق، الناس اللي بتربط مفهوم النجاح بالشهرة والانتشار دايما دايما دايما بيبصوا علي "اللقطة الاخيرة المميزة"،…

Posted by Karim Soliman on Tuesday, August 6, 2019
انتقل إلى أعلى