تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

رسالة للكلاينت اياً كان مكانه..

رسالة للكلاينت اياً كان مكانه..

الشخص اللى بيديك منتج/سلعة غير اللى بيديك خدمة. انت ممكن تشوف الديزاين او اللوجو اللى انت طالبه بسيط لكن انت متعرفش الديزاينر شاف كام ديزاين وقعد يفكر فى كام فكرة وشاف كام صورة عشان يطلع الديزاين ده. المبرمج ممكن يقعد سنين عشان يخرج برنامج واحد يساعدك فى شغلك. اللى بيكتبلك محتوى ممكن يكون كتب ومسح 100 مرة قبل ما يخرجلك المحتوى اللى انت عاوزه. اللى عملك حملة جابتلك ناس ممكن يكون قعد يجرب كذا حملة قبلهم عشان دى تظبط معاه. المجال الخدمي فيه تكلفة مش زى ما الناس فاكره انه حاجة بتجيب فلوس ببلاش، بالعكس انا بشوف ان المجال الخدمى تكلفته اكبر واهم من المجال السلعى، لانك لو بتبيع علبة لبن فتكلفتها واضحة وغالباً بتكون فى المواد الخام، انما تكلفة الخدمة بتبقى وقت الشخص ومجهوده وخبرة سنين طويلة انت بتاخدها فى ايام او دقايق.

وفى نفس الوقت برضه لازم اللى بيقدم خدمة يبقى فاهم الكلام ده، يعنى مينفعش تبقى لسه بادى فى المجال اول امبارح ومتعرفش حاجة فيه، ومجربتش بإيدك كتير عشان تعرف الصح من الغلط وتروح تساوى نفسك بواحد بقاله سنين فى السوق. يعنى من الآخر لاحنا عاوزين الكلاينت يقلل من شغل أصحاب الخدمة، ولا اصحاب الخدمة يستهبلوا الكلاينت. عاوزين التقدير من الطرفين.

رسالة للكلاينت اياً كان مكانه..الشخص اللى بيديك منتج/سلعة غير اللى بيديك خدمة. انت ممكن تشوف الديزاين او اللوجو اللى…

Posted by Hossam Hassaan on Sunday, January 14, 2018

انتقل إلى أعلى