تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

ريو دي جانيرو 2016

حتي كتابة البوست ده نتايج اوليمبياد ريو دي جانيرو 2016 كالتالي:

1- أوروبا (من غير روسيا) .. 50 ميدالية متنوعة
2- أمريكا .. 26 ميدالية
3- الصين .. 17 ميدالية
4- اليابان .. 17 ميدالية
4- روسيا .. 12 ميدالية
5- إستراليا (دولة تعدادها 25 مليون نسمة) .. 9 ميداليات

النهاردة العالم العربي أبو 300 مليون نسمة خد أول ميدالية برونزية في الأوليمبياد والمعلقين علي كل القنوات العربية سعدااااااااااء بيها جدا ..

الميدالية بقي جت علي إيد مين .. جت علي إيد البطل العربي .. لاعب الجودو الإماراتي .. سيرجيو توما .. اللاعب طبعا باين من إسمه إنه متجنس .. والحقيقة إنه من بلد صغيرة أوي في أوروبا الشرقية إسمها مولودوفا (4 مليون نسمة وأقل من 4% من مساحة مصر) كانت تابعة في الماضي للإتحاد السوفيتي .. سيرجيو كان بينافس تحت علم مولودوفا لحد أوليمبياد لندن 2012 علي الأقل ..

مايكل فيلبس السباح الأمريكي دلوقتي حالا حقق ميداليته الذهبية التالتة في الأوليمبياد ديه .. والـ 21 في الخمس بطولات اللي لعبهم .. بالإضافة لـ 2 فضة و2 برونز ..

في اللحظات ديه من تاريخ الحضارة الإنسانية .. مهم جدا نفضل فاكرين .. إن العالم بيتآمر علي مصر والمنطقة العربية .. وعايز يفتتها تفتيتا .. ده غير طبعا مؤامراته التي لا تنتهي علي الإسلام والمسلمين!

‫#‏سيرجيو_توما_بطل_العرب_والمسلمين‬
‫#‏مايكل_فيلبس_حقق_ميداليات_بعدد_شعر_راس_الأمة_الإسلامية_والعربية_مجتمعين‬
‫#‏إياك_تنسي_وخليك_فاكر_المؤامرات_التي_تحاك_ضد_العرب_والمسلمين_ليل_نهار‬

https://www.facebook.com/hany.elgamal.9/posts/10154418509784579

انتقل إلى أعلى