تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

ساعة قبل رمضان

لسه بإذن الله أقل من شهرين عن رمضان .. الناس اللي عايزة تدخل بشكل مختلف

أنصح جداً اننا نعمل 3 حاجات :

– كل يوم ع الساوند كلاود خدلك ” تلت ” ساعة سماع لحلقة من حلقات د. راتب النابلسي اللي بيوضّح فيها كل اسم من أسماء الله معناه ايه

ده مفيد في حاجتين هتعرف مين اللي انت بتعبده بكل العبادات و هتعرف مين اللي انت لما بتضيق عليك او لما بتحتاج حاجة بتروحله .

– زوّد معاهم تلت ساعة كمان ع الساوند او يوتيوب سماع لحلقة من حلقات برنامج كيف تتلذذ بالصلاة لمشاري الخراز.. البرنامج ده عالمي و هيفيدك بحاجتين برضه
أولها ان الصلاة أهم عبادة عند ربنا و هي ميزان عملك يوم القيامة واحنا الدنيا شغلتنا ومبقناش نصلي صح فهنا هتعرف ازاي تخشع و ازاي تستمتع كمان بالصلاة ” أرحنا بها يا بلال ”
تاني حاجة.. إنك لو طلعت من رمضان الجاي بإنك عرفت بس ازاي تصلي صح و دخلت ع الله بالعبادة دي فانت ملكت الدنيا كلها .

– آخر بقي تلت ساعة خدهم قبل ما تنام اعمل سيرش ع الساوند لأي حد بيحب وبيفهم القرآن و بيشرح القرآن بحب.. اعمل فولو للشيخ أحمد عبد المنعم ع الساوند و حرفياً هتستمتع بالقرآن كإنك عمرك ما قريته
حاجة كده وهمية ف فهم القرآن
و اسمع القرآن من الناس دي عندك ” وديع اليمني، ناصر القطامي،مشاري العفاسي، هزاع البلوشي، حاتم فريد، رعد الكردي وغيرهم ” .

كده بالظبط ساعة كل يوم تكون ساعة مقدّسة عندك محدش يضيّعها منك.

اللي جاي ده اختياري
لو عايز تزوّد بس 55 دقايق وكتبت المعاني دي ع الساوند ” الإخلاص، الشكر، التقوي، ذكر الله، اليقين، الصبر، التوكل، الجنة، الجهاد، حب الله ” هتلاقوا لكل الشيوخ .

ناس كتير تعبانة و ناس كتير ف ابتلاءات و كتير مننا عباداته قلّت ومحتاج يقرّب من ربنا تاني.. فدي فرصة حلوة جداً و تجربة انت محتاجها جداً في الوقت ده
ده غير إنك هتخرج منها كسبان حاجات كتير :” ))

فاللهم بارك لنا في وجب و شعبان و بلّغنا رمضان.

لسه بإذن الله أقل من شهرين عن رمضان .. الناس اللي عايزة تدخل بشكل مختلف أنصح جداً اننا نعمل 3 حاجات : – كل يوم ع…

Posted by ‎أسماء الزيات‎ on Friday, March 31, 2017

انتقل إلى أعلى