تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

سلبيتنا اصبحت اقوى من الرصاص

من كام يوم قابلت شخص اعرفه سألنى عن موضوع مقاطعة الفيس بوك و جوجل على حوار الصور بتاعت#JeSuisCharlie
-انا : هو المفروض ايه اللى هايحصل؟
– هو : هنقاطع الموقعين دول وهانخسرهم ملايين كتيير
-انا : طب وبعدين
– هو : هى المقاطعة هاتبقى يوم وبعدها خلاص
-انا : طيب ما انت بعد اليوم ده هاترجع تانى تكسبهم ملاين الى ما شاء الله.
– هو : ممممممممممممممم .. ثم “صوت صرصور الحقل”.

الفكرة هنا فى مشكلتين :
11- اننا بنعمم فعل حصل قبل كده ونجح ..على اى موقف تانى ..حتى ولو الموقف تانى مش مشابه ليه.. يعمل لما نعمل حاجة “زى فكرة المقاطعة” فى موضوع زى الاكل .. بننسى اننا عملنا الموضوع لفترة مش ليوم .. واننا قاطعنا منتجات وكان عندنا بدائل ليه فقدرنا نستمر فى الموضوع وفعلا الموضوع سبب خسارة والفكرة نجحت بشكل ما .. فلما بتحصل حاجة تانية ..بنقول اننا نجحنا فى الموضوع الاول وهانكرره تانى ..من غير ما نفهم هو ايه اللى حصل فى الموقف الاول وهل ينفع نتطبق نفس الاستراتيجية على الموقف التانى ولا محتاجين نشوف طريقة تانية

2- اننا بقينا نعتقد ان فكرة “السلبية” بتساوى مشاركة فعالة
الناس اللى بقت بتعمل “حدث” معين .. من غير ما تفكر هل هى مطالبة انها تعمل الموضوع ده .. ولا هى المفروض تعمل حاجة تانى .. بس بدل ما تتعب نفسها وتفكر هى بتستسهل وخلاص .. اقوى مثال على كده وقت يناير 2011
فى قصيدة كانت بتحكى على عينة من الناس دى بتقول:
المرة الجاية هموت ساكت علشان ترتاح
فاكر في الكنبة الملعونة راح تلقى حياة …
وا معتصماه
عينك بتعيط على مشهد في مسلسل تركي بقاله كتير
وفي اخر السهرة تقول بضمير اللعنة على ولاد التحرير
ماهو دول لو كانوا محترمين كانوا هيباتوا في بيوتهم
يتدفوا بماج كاكاو في الليل
ويمصمص في شفايفه بحسرة
لو يبقى وطنا في لحظة جميل …
ويهون امانيه على نفسه باحساس زايف … انه مشارك
بفلوسه لأطفال مقديشيو وبصوته للقدس وسوريا
وينام في سريره ويطمن على نور الشمس في ايد مجهول

فى ناس كانت المفروض تاخد اكشن معين بس هما استسهلوا وعملوا حاجة تانى… عايز تتاكد من كلامى دور شوفى فى كام صفحة على الفيس بوك معمولة لغلص صفحات مش عارف ايه .. وشوف كام صفحة دفاعا عن الرسول “صلى الله عليه وسلم” شوف فى كام واحد عامل لايك بالصفحات دى .. اعمل بحث عن الكلمات دى وشوف كام واحد نشر حاجات “دفاعا عن الاسلام” .. كان بيدافع عن الاسلام فى بوست …دا بخلاف ان بعض منهم بيبقى ناشر البوست لاصدقائه بس.

فى ناس المفروض تعمل صفحة بخصو الموضوع وتعمل وتوعية بيه .. بس مش المفروض اننا يبقى عندنا “عشرومية” صفحة والناس بتعمل لايك وكتر خير الشباب .. لو كل واحد دور على رسالته وعلمها .. الموضوع فعلا هايتغير فيه حاجات كتير

الكلام ده كله بمناسبة ان بعد كام يوم من بوست نشره Mark Zuckerbergمؤسس الفيس بوك ان الفيس بوك بيدعم حرية الكلام تعقيبا على موضوع #JeSuisCharlie
الفيس بوك اعلن انه هايوقف موضوع الصور بتاعت نفس الموضوع فى تركيا
http://www.bbc.com/news/technology-30982556

هل احنا منقدرش نعمل زيهم ؟
طبعا نقدر .. لاننا فعلا عملنا كده قبل كده
YouTube to be blocked in Egypt over anti-Islam film
http://www.cnet.com/…/youtube-to-be-blocked-in-egypt-over-…/
White House pressures Google over anti-Islam video
http://www.cnet.com/…/white-house-pressures-google-over-an…/
Afghanistan bans YouTube to block anti-Muslim film
http://www.reuters.com/…/us-afghanistan-youtube-idUSBRE88B0…
Google’s YouTube Blocks Access to Anti-Islam Film in India
http://www.wsj.com/…/SB100008723963904435249045776513933776…

المرة الجاية هموت من العار
علشان لساني قاعد اكتب وانت لساك قاعد تقرا
والشارع بيموت قدامنا ….”

دور على رسالتك واعملها …فسلبيتنا اصبحت اقوى من الرصاص.

انتقل إلى أعلى