تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

طفل بيعيد دايره الحرمان لطفل شبعان ومنتج ومستقل

امبارح كنت خارجه مع فرح في الوقت الخاص بتاعنا اللي بنقعد فيه انا وهي وبس
وبس يعني وبس عشان يوصلها ان وجودها بس مهم ومتتع وان كل اسبوع في حد بيسيب كل حاجه عشان يستمتع بوجودها ?

من غير ما يكون مطلوب منها اي حاجه غير بس وجودها 

ناس كتير ممكن متكنش عارفه ايه اهميه الspecial time وليه مهم للصحه النفسيه ان يوصل الانسان ان مجرد وجوده دي حاجه مهمه ?

كام حد فينا لاحظ ده في الناس اللي حوالليه :
حد طول الوقت بيتكلم ويحكي ويرغي بس عشان خاطر يحس انه متشاف وانه موجود حتي لو كان التمن اني اكذب او افشر
حتي لو كان التمن اني افضل اشتكي طول الوقت عشان الناس تفضل تبصلي وتشوفني

حد طول الوقت بيطلب طلبات وخدمات حتي لو كان مش محتاجها بس عشان خاطر احس بقيمتي وان الناس بتعمل حاجه عشاني
حتي لو كان التمن احساس الرفض اللي بيوصلني من كتر طلباتي وشعور اللي حوالليا ان وجودي مصدر ازعاج

حد طول الوقت بيدعي الضعف وانه محتاج لوجودك في حياته ويحسسك انك من غيره هتنهار وكل ما تنشغل عنه يلومك ويقولك ازاي اتشغلت ازاي فكرت او دورت تتونس بحد غيري وعمره ما يبين لك انه مرعوب من جواه لتسيبه فعيزاك علي طول قصاده لانه محدش وصله ان وجوده ممتع وجوده في حد ذاته مهم لحد ?

كلنا محتاجين نتشاف ونحس ان مجرد وجودنا ده شئ له قيمه مجرد وجودنا
من غير ما نعمل ولا نقول ولا ندفع اي تمن ولا يبقي عندنا اي طلب ولا عيانيين ولا في مصيبه ولا في مشكله

ناس كتير اوي عايشه بتدعي المرض من خوفها ان الناس تتفض من حوالليها وميبقاش حد شايفها ولا مقدر مجرد وجودها

ناس كتير اوي عايشه بتفتعل المشاكل وتعيش فيها بس عشان خوفها ان بعد المشكله ما تخلص الشخص الغالي عليها ده ينشغل ويبعد عنها ويبقي وجودها مش فارق

ناس كتير اوي عايشه بتمثل انها مستغنيه ان حد يشوفها او يحسسها ان مجرد وجودها يستاهل وقته وتركيزه وبتتكسف من احساسها بالاحتياج ده مع ان الخالق هو اللي وضعه فينا وتطلب التواجد بغضب ونرفزه واتهامات انها مش عايزه حبايبها عشان عيزاهم لا هي عيزاهم عشان قال يشيلوا المسئوليه معاها وعمر ما التلاكيك ما بتملي جواهم ?

تصوروا لو ولادنا كبروا من غير كل الضغوط دي
تصوروا لو طلعوا مليانين من جوه مليانين احساس بالقيمه والاهميه لمجرد وجودهم ?

تصوري انك في اللحظه دي تقدرى تغيري مستقبل ابنك من طفل بيعيد دايره الحرمان لطفل شبعان ومنتج ومستقل
لو بس شفتي اد ايه مجرد وجودك في حياه ولادك مهم

لو شفتي بس ان ممكن ساعه في الاسبوع لكل طفل لوحده ممكن تعمل في حياته ايه ساعه متواجدين مع بعض فعلا
بتلعبوا سوا
بتتكلموا سوا
بتضحكوا سوا
بتبصوا في عنين بعض من غير mobile ولا اي مشتات

موجودين وعايشيين اللحظه بجد عشان مجرد وجودكم مهم ?

من حقك وحق ابنك لحظه وجود
من حقك وحق ابنك لحظه قرب

من حقك وحق ابنك انك تكوني صحبه فضل في انه يكبر شبعان
ويكبر ولاده من بعد شبعانين ?
ويبقي الاثر
#ويبقي_الاثر
#mindful_relationships

 https://www.facebook.com/SaraEmpathy/photos/a.892212594165494.1073741828.888650944521659/1783743978345680/?type=3
انتقل إلى أعلى