تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

عن تفسير الاحاديث

– في حديث في البخاري مش داخل دماغي خالص.. بذمتك ده كلام يقبله العقل!
– حديث ايه؟
– اللي هو بيقول إنه ينفع كذا وكذا.. المفروض فعلا ننقّي الدين من الخرافات دي بقى!
– قصدك اللي هو بلفظ كذا؟
– أيوة.. هو ده!
– طيب.. البخاري أخرج الحديث ده في أي باب؟
– باب ايه؟!
– طب شفت الرواية التانية له اللي أخرجها في باب آخر بلفظ آخر؟
– لا
– طب لاحظت الفرق بين ترجمة البخاري للبابين؟
– يعني ايه ترجمة؟!
– اطلعتَ على ما قاله الشرّاحُ في كتبهم؟
– لا.. بس المعنى واضح اهو يعني!
– راجعت معنى كلمة كذا في كلام العرب وكيف يستخدمونها حقيقة ومجازا؟
– عرب مين؟!
– قرأت كلام المحدثين والأصوليين في الفرق بين نقد السند ونقد المتن ومتى يُحكم على المتن بالشذوذ؟
– يعني ايه شذوذ؟
– ولا حاجة.. الجوّ حر!

– في حديث في البخاري مش داخل دماغي خالص.. بذمتك ده كلام يقبله العقل!- حديث ايه؟- اللي هو بيقول إنه ينفع كذا وكذا…..

Posted by Yousef Wahb on Monday, August 18, 2014
انتقل إلى أعلى